100%200%
Меркі ауданы әкімі аппаратының
ақпараттық порталы

    Аудан әкімінің 2019 жылғы есебі

    Меркі ауданының әкімі М.Өмірбектің аудан тұрғындары алдындағы«2019 жылы атқарылған жұмыстарының қорытындысы және  2020 жылға арналған міндеттері туралы» есебі

    Қазақстан Республикасының Президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауындағы көрсетілген міндеттер мен басымдықтарды, облыс пен аудан арасындағы межелерді орындауда, аудан халқының сұранысынан туындап жүрген өзекті мәселелерді шешуде ауданда жүйелі жұмыстар жүргізілді.

    Салық.  2019 жылдың қаңтар-желтоқсан айларында  бюджетке 3020,5 млн. теңге (2018 жылы 2685,2 млн. теңге) салық және басқа міндетті төлемдер  түсіп, болжам 104,3%-ға орындалды. (Оның ішінде, республикалық бюджет – 112,0%, жергілікті бюджет – 102,5%).

    Аудан бюджеті. 2019 жылдың қаңтар-желтоқсан айларында аудандық бюджеттің кірістер жоспары 16000,9 млн. теңгеге жоспарланып, 16077,2 млн. теңгеге немесе 100,5%-ға орындалды. Өзіндік кірістер – 1711,9 млн. теңгеге (104,7%),трансферттердің түсімдері бойынша – 14365,3 млн. теңгеге (100,0%) орындалды, аудан бюджетінің шығындары 16186,3 млн. теңгеге жоспарланып, 16185,4 млн. теңгесі игерілді немесе 100,0% құрады.

    Өнеркәсіп саласы. Аудан бойынша 2019 жылдың қаңтар-желтоқсан айларында өнім мен көрсетілген қызмет көлемі  5302,5 млн.  теңгені құрап, 2018  жылдың сәйкес кезеңімен салыстырғанда нақты көлем индексі 36,5% құрайды деп күтілуде.(2018 жылдың қаңтар-желтоқсан айларына өнім мен көрсетілген қызмет көлемі 14575,4 млн. теңгені құраған).

    Бұл көрсеткіштің төмендеу себебі, «Меркі қант зауыты» ЖШС-нің 2019 жылдың қаңтар айынан бастап, 25 қазан аралығында шикізат тапшылығынан уақытша тоқтап тұруына байланысты болды. Дегенмен, басқа да шағын және орта кәсіпкерлік субъектілерінің (әрі қарай – ШОК) өндірген өнім көлемі 2018 жылмен салыстырғанда 290,0 млн. теңгеге артып отыр.

    Қазақстан Республикасының индустриялды-инновациялық дамуының 2015-2019 жылдарға арналған  Мемлекеттік бағдарламасы аясында, Меркі ауданында кәсіпкерлік қолдау картасы бойынша, жалпы құны 1700,0 млн. теңгені құрайтын 2 инвестициялық жоба жүзеге асырылды және 38 жаңа жұмыс орны ашылды.

    (Олар:1. «Орталық Азия Қант Компаниясы» ЖШС Меркі филиалының «Шырынды тазалайтын цехты қайта жанғырту» жобасы. Жоба 2016 жылы 06 ақпанда іске қосылды. Жоба құны – 698 млн. теңге. Жылдық қуаттылығы – 101 мың тонна өнім шығару. Жаңа 18 жұмыс орны ашылды.

    1. «Орталық Азия Қант Компаниясы» ЖШС Меркі филиалының «Қант зауытын қайта жаңарту» жобасы. Жобаның құны – 1014,2 млн. теңге. Жаңғыртылған зауыттың жылдық қуаттылығы – 140 мың тонна өнім шығару. Жаңа 20 жұмыс орны ашылды).

    Аудан көлемінде жұмыс істеп тұрған ШОК субъектілер саны 5079-ға жетіп, 645 кәсіпкер жаңадан жұмыстарын бастады (2018 жылы 4434).

    Аудан көлемінде жұмыс атқарып отырған «KazMicroFinance» микрокредиттік ұйымымен 2019 жылдың қаңтар-желтоқсан айларында жалпы соммасы 4 млрд. 612,1 млн. теңгені құрайтын 7900 несие берілген (2018 жылы 3 млрд. 693,8 млн. теңгені құрайтын 7643 несие берілген). Ал, «Меркі несие серіктестігі» ЖШС тарапынан 2019 жылдың қаңтар-желтоқсан айларында жалпы 1 млрд. 641,8 млн. теңгені құрайтын 192 шаруа қожалығына несие берілді (2018 жылы 1 млрд. 43 млн. теңгені құрайтын 133 ш/қ).

    Аудан бойынша негізгі капиталға салынған инвестиция  көлемі 2019 жылдың қаңтар-желтоқсан айларында 10336,2 млн. теңгені құрап, 2018 жылдың сәйкес кезеңімен салыстырғанда 1016,0 млн. теңгеге артты, яғни, нақты көлем индексі 109,7 % құрады (2018 қаңтар-желтоқсан айларында 9320,2  млн.).

    2019 жылдың қаңтар-желтоқсан айларының қорытындысы бойынша бөлшек сауда тауар айналымы 7466,8 млн. теңгені құрап, 2018 жылмен салыстырғанда 1784,9 млн. теңгеге артты, яғни, НКИ 124,2 % құрады (2018 жылы 5681,9 млн. теңгені құраған).

    Туризм саласы. Меркі ауданында 38 монументалдық, сәулеттік және құрылыс ескерткіштері және 9 қонақ үйі (сыйымдылығы 236 төсек орын) және 1 «Тұран» атты демалыс аймағы (сыйымдылғы 32 төсек орын) жұмыс атқаруда. Радонды сумен емдеуге арналған «Меркі шипажайы» (сыйымдылығы 430 төсек орын) және «Мейірім Меркі» (сыйымдылығы 100 төсек орын) шипажайлары аудан тұрғындары мен еліміздің басқа өңірлерінен келген туристер мен қонақтарға қызмет көрсетуде.Орналастырылған адамдар саны – 5215, яғни, 2018 жылмен салыстырғанда 247 адамға артып отыр (2018 жылы 4968 адам).

    2019 жылдың шілде айының 13-14 күндері аралығында аудан әкімінің бастауымен, туризмді дамыту мақсатында, Меркі-Қарақыстақ-Сандық бағыты бойынша  экспедициялық тур ұйымдастырылды. Аталған экспедицияға облыстық туризм басқармасы, «Тараз туризм» орталығының  өкілдері, «Qasaqstan»,  «Jambul» арнасының тілшілері, «Меркі Ақиқат», «Арай» облыстық жастар газетінің журналистері, аудан кәсіпкерлері,  аудан әкімдігінің бөлімдері, тиісті мекеме қызметкерлері, қоғамдық ұйым өкілдері және басқа саланың мамандары бар, жалпы, 40-қа жуық адам қатысты. Экспедицияның мақсаты – Меркі ауданында туристік саланы дамыту, оны аталған табиғаты тұнық, суы шипа, халық «Әулие көл» деп атап, бас иіп келген «Көк Көлді», кіші «Әулие Шоқы», Үлкен «Әулие Шоқыны» көзбен көріп, жалпы, «Сандық» жайлауы мен «Қарақыстақтың» туристік әлеуетін жоғарылату, сонымен қатар, әрине, киелі жерлердің табиғатымен танысып, «Меркі-Қасқасу-Қарақыстақ», «Меркі – Құлан – Сандық» «Меркі – Ойранды – Қарақыстақ – Сандық» бағыттары бойынша жолдардың жай-күйі мен сапасын зерделеп, ішкі туризмді дамыту болды.

    Ауыл шаруашылығы саласы бойынша. 2019 жылдың қаңтар-желтоқсан айларында жалпы өндірілген өнім көлемі 29495,6 млн. теңгеге жетіп, нақты физикалық индекс көлемі 104,9% құрады (2018 жылы 25274,0 млн. теңге).

    2019 жылдың егін ору науқанына 52052 га алқап түсіп, 104022,2 тн астық бастырылып, орташа гектар қайтарымы 19,98 цн құрады. Атап айтқанда, 25684 га күздік бидайдан 49986 тн өнім жиналып, орташа га қайтарымы 19,4 цн, 26368 га жаздық арпадан 54036,2 тн өнім жиналып, орташа га қайтарымы 20,4 цн құрады.

    Аудан бойынша 2019 жылы 50,6 мың тн қант қызылшасы аудандағы қант зауытына өткізілді. Озық шаруашылықтар қант қызылшасының жекелеген алқаптарынан 1000 цн-ге дейін өнім жинады. Мұндай жақсы көрсеткішке жетудің басты себебі, облыс әкімінің қолдауының нәтижесі. Ол, шаруалардың жаңа буынды, жоғары репродукциялы тұқыммен қамтамасыз етілуі, (тұқым ақысы күзде қайтарылады) алынған тұқымның мемлекет тарапынан субсидиялануы.

    2018 жылы аудан бойынша 2238 га алқапқа су үнемдеу технологиялары енгізіліп, жоспар 101,2% құраса, өткен жылы 2374 га алқапқа су үнемдеу технологиялары енгізіліп, жоспар 106 % құрады.

    Мал қыстату науқанына қажетті азық толық дайындалды.

    Аудан бойынша  2018 жылы  жалпы көлемі 1596 тн минералдық тыңайтқыштар алынып, 14165 га жерге енгізілсе, 2019 жылы 1874 тн минералдық тыңайтқыш алынып, 18792,1 га жерге енгізілді.

    2018 жылы 70 дана ауыл шаруашылығы техникалары сатып алынса, 2019 жылы 97 дана жаңа техника сатып алынып, жаңару көрсеткіші 2018 жылмен салыстырғанда 2,2% артты.

    2019 жылы Үкімет тарапынан кепілдендірілген бағамен берілетін жанар-жағар май ауыл шаруашылық тауар өндірушілеріне егістік жер көлеміне сай таратылып берілді.

    Тұқым шаруашылығы саласы бойынша.Ауданда бірегей, элиталық, бірінші, екінші және үшінші көбейтілген тұқым шаруашылығы құрылып, сапалы жоғарғы репродукциялық арпа және бидай тұқымдарын дайындауды жүзеге асыруда.

    2019 жылы «Сыпатай батыр» ЖШС-де облыс және аудан шаруашылықтарына 1350 тн «Стекловидная-24» (супер элита, элита, Р2) 1 репродукциялы бидай тұқымы сатылып, жақсы өнім сапасының негізі қаланды. Сонымен қатар, бұл шаруашылықта 2020 жылы көктемгі егіске 316 тн «Арна», «Сымбат» сұрыптарының элиталы арпа тұқымы сатылуға дайындалған.

    Ауданымызда элиталық көшет өсірумен айналысатын 5 шаруашылық 718000 түп жеміс ағаштарының элиталық көшеттерін өсіреді.

    Егін шаруашылығындағы алдағы мақсат – суармалы жердің көлемін ұлғайту. Осы мақсатта Аспара өзеніне келетін АПТ магистральды каналын және  шаруашылық аралық каналын қайта қалпына келтіру жұмыстары 2019 жылы жоспарланып, 857,0 млн. теңге бөлінген, биыл толық аяқталатын болады. Ағын су мәселесін шешу мақсатында ауданда 4 су қоймасын салу үшін құрылысын жүргізуге аудан әкімдігінің 2019 жылғы 31 желтоқсандағы №486 қаулысы бекітілді. Қазіргі таңда жобалық-сметалық құжатын әзірлеу үшін бастапқы деректер жинақталуда.

    Ауданда Аспара өзенінің бойында орналасқан АПТП каналына 1400,0 млн. теңге, Аспара өзенінен шығатын Майлыбай каналына 1600,0 млн. теңге бөлініп, жөндеу жұмыстары 2020 жылдың І-ші жарты жылдығында жүргізіледі деп жоспарлануда.

    Егін шаруашылығында су үнемдеу технологиясын, жер асты суын тиімді пайдаланып отырған және мол агротехникалық талаптарды дұрыс сақтап, табыс тауып отырған алдыңғы қатарлы шаруашылықтардың тәжірибесін тарату мақсатында жоспарлы түрде семинарлар ұйымдастыру жұмыстарын жүргізіп,  жаппай жоғары репродукциялы тұқым егуге қол жеткізу үшін жұмыс жүргізетін боламыз.

    Мал шаруашылығы. 2019 жылы МІҚ, жылқы, ұсақ мал басы толық өсіммен шығып, барлық мал өнімдерінің жоспары артығымен орындалды. «Сыбаға» бағдарламасы бойынша МІҚ сатып алуға 345 бас жоспарланып, 547 бас сатып алынып, 159% құрады. 10645 бас қой сатып алынып, жоспар 219% құрады. Ауданның ет экспортына қосқан үлесі 2018 жылға қарағанда 1,64 есеге  артты.

    Кооперативтер бойынша. Аудан бойынша барлық ауылдық округтерде мүшелері бар  сүт бағытында 6 АШК, ет бағытында 4 АШК құрылып, жұмыс жүргізуде. Ет бағытындағы кооперативтер 1278,1 тн ет өндірді. Сүт бағытындағы кооперативтер 1805 тн. сүт өндіріп, 11,33  млн.  тг субсидия алды. Ауданда жылына 9000 л, күндігіне 30-35 л сүт беретін асылдандырылған сиыр тұқымдарын өсіру қолға алынған. 2019  жылы Ресейден 3 шаруашылық осындай 150 бас, 1 шаруашылық Германиядан 48 бас құнажын әкелді. «Бахор» ШҚ биыл бір жынысты тұкым алуды қолға алды. Бұрын 80-90% еркек бұзаулар алынса, енді бір жынысты тұкымнан 80-90% ұрғашы бұзау алынбақшы.

    Ұсақ малды асылдандыру бойынша «Меркі асыл тұқым» ауылшаруашылық өндірістік кооперативі 9 округтағы 16 шаруашылықта 12 жасанды ұрықтандыру пунктін құрып, 9712 бас аналық ұсақ малын жасанды ұрықтандырды.

    Жер саласы. Жамбыл облысы әкімінің 2019 жылғы 20 наурыздағы №60 қаулысындағы қосымшаның 25-тармағының 5.1.1 тармақшасының негізінде, шағын және орта бизнес субъектілеріне кәсіпкерлікті жүргізу мақсатында  облыс әкімі мен аудан әкімі арасындағы индикаторлық келісімге сәйкес, ғимаратты пайдалану және қызмет көрсетуге жер телімін сату үшін 2019 жылдың қорытындысына сәйкес, 3 аукцион ұйымдастырылып, жалпы саны 17, ауданы 3,1153 га жер телімінің кадастрлық құны 6,7 млн. теңгеге бағаланып, жалпы сомасы 12,7 млн. теңгеге сатылып, мемлекет бюджетіне түсіріліп, меже 150% орындалды.

    Ауыл шарушылығы мақсатындағы жерлерді қайта айналымға қосу. Облыс әкімдігінің басқармасы мен аудан әкімі арасындағы келісілген индикаторға сәйкес, ауыл шаруашылығы мақсатындағы бос жатқан жер телімдерін конкурс арқылы қайта айналымға енгізу жұмыстарында, 2019 жылдың қорытындысы бойынша, 2 конкурс ұйымдастырылып, жалпы ауданы 2640,0 га (оның ішінде, егістік 1831,0 га, жайылым 808,6 га), жалпы саны 81 жер телімдері қайта айналымға енгізіліп, меже 105,6 %-ға орындалды.

    Ауыл шаруашылығы мақсатындағы жалпы ауданы 1286,33 га, кадастрлық құны 38,9 млн.теңге болатын 24 жер учаскесінің игерілмегендігі анықталған. Жүргізілген шаралар нәтижесінде бүгінгі күнге жалпы ауданы 349,42 га, кадастрлық құны 6,7 млн. теңгені құрайтын 7 жер учаскесі мемлекет меншігіне қайтарылды. Қалған жер телімдеріне шара қолдану барысында  ескерту жұмыстары жүргізіліп,  жер учаскелерін қайта игерген.

    Каналдар мен ұңғымалар бойынша: «Қазсушар» мемлекеттік кәсіпорнының теңгеріміне аудару мақсатында Меркі ауданы аумағында орналасқан 29 каналдың мемлекеттік актісі мен техникалық төлқұжаттары әзірленіп, 80 су ұңғымасының мемлекеттік актісі дайындалды.

    Мемлекеттік жер қорына қайтарылған жер телімдері. 2019 жылы жалпы ауданы 984,8 га құрайтын жалпы саны 31 жер телімі мемлекеттік жер қорына қайтарылған (630,12 га егістік, 335,28 га жайылым, 6,94 га шабындық).

    Елді-мекен шегінде жеке тұрғын үй құрылысын жүргізу үшін 3 жыл мерзімге уақытша өтеулі жер пайдалану құқығына берілген 6 жер телімі игерілмеуіне байланысты мемлекет меншігіне қайтарылды.

    Ветеринария саласына бөлінген 163,3 млн. теңге қаржы 100%-ға игеріліп, барлық ветеринариялық профилактикалық іс-шаралар мен диагностикалық тексерулер өз деңгейінде жүргізілді. Өткен жылы 4 ауылдық округ ветеринариялық пунктпен, 10 ауылдық округ ауыл шаруашылығы жануарларына егу-емдеу жұмыстарын жүргізуге арналған алаңдармен (раскол)  қамтамасыз етілсе, 2020 жылы тағы бірнеше ауылдық округ расколдармен қамтамасыз етілетін болады. Бекітілген меже толық орындалды.

    Сарып ауруына қарсы жүргізілген жұмыстар өз нәтижесін беруде. 2019 жылдың 12 айында сарып ауруымен 16 адам тіркеліп, 2018 жылмен салыстырғанда 2 адамға кеміді. Аудандық мал базарды реттеу, көшіру мәселесі қолға алынып, іс-шара жоспары бекітіліп, базарды тамыз айында жаңа орынға көшіру көзделуде.

    Білім саласы бойынша облыстық білім басқармасының жылдық қорытындысына сәйкес, аудан Тараз қаласынан кейінгі 2-орынды иеленді.

    Мектепке дейінгі оқыту және тәрбиемен қамтамасыз ету бойынша аудан аумағында 2018 жылы  26  балабақша (16 мемлекеттік, 10 жекеменшік) мен 12 мектеп жанындағы шағын орталық жұмыс жасаса, 2019 жылы 28 балабақша (16 мемлекеттік, 12 жекеменшік) мен 10 мектеп жанындағы шағын орталық жұмыс жасауда. Қамту үлесі 2018 жылы  3-6 жас аралығында 99,6%, 1-6 жас аралығында 90,5 % құраған. 2019 жылы 1-6 жас аралығы 97,6%, 3-6 жас аралығында 100% болып отыр.

       Ұлттық бірыңғай тестілеу бойынша

    Жобалау-сметалық құжаттар әзірлеу бойынша 2019 жылы 4 мектептің (№№11,12,44,48) ЖСҚ-сы әзірленіп, сараптамадан өтті. 2020 жылы (12,44,48) 3 мектепке және «Балауса» балабақшасына күрделі жөндеу жұмыстары жүргізілетін болады.

    «Цифрлық Қазақстан» бағдарламасы. «Цифрлық Қазақстан» мемлекеттік бағдарламасы аясында білім экономикасына көшуді қамтамасыз ету мақсатында аудан бойынша жоғары жылдамдықтағы интернет желісіне 36 (100%) мектептің барлығы толығымен қосылған (сым желілері бойынша кең жолақты интернет 17 (47,3%) мектепте, 19 (52,7%) мектеп сымсыз Wi-FI желісімен).

    «Күнделік» жобасымен 36 жалпы білім беретін мектеп 100% жұмыс атқаруда. 2018 жылы  ауданда 1 IT сыныбы ашылса, 2019 жылдың индикаторлық көрсеткішіне сәйкес, 3 ІТ сыныбы ашылып, меже 100% орындалды. 36 жалпы білім беретін мектептің  641 оқу кабинетінің 568 (86,8%) кабинеті компьютермен қамтамасыз етілген.

     

    Ыстық тамақпен қамтамасыз ету бойынша. Аудан мектептерінде 2018 жылы аз қамтамасыз етілген отбасынан шыққан 859 бала бір мезгіл тегін ыстық тамақпен қамтамасыз етілсе, 2019 жылы аз қамтамасыз етілген отбасынан шыққан 4150 бала бір мезгіл тегін ыстық тамақпен қамтамасыз етілген. Қамту үлесі 100%.

    Жазғы сауықтыру лагері бойынша. 2018 жылы 1-10 сынып  аралығында  13136 оқушы (88,6%) мектеп жанында, 300 бала тау шатқалындағы лагерьде (100 аз қамтамасыз етілген, жетім, жартылай жетім, 200 оқу озаттары) қамтылса, 2019 жылы 1-10 сынып аралығында 14206 оқушы (94,0%) жазғы демалыспен қамтылды. «Жұлдыз» балалар сауықтыру лагерінде 3 ауысымда түрлі санаттар бойынша 300 оқушы қамтылды және ата-аналар тарапынан 4-5 ауысымда 200 бала демалды. Сонымен қатар, Арыс қаласында болған төтенше жағдайға байланысты, 130 бала «Жұлдыз» сауықтыру лагеріне орналастырылды. Оның ішіндегі 30 баланың демалуына аудандық бюджет есебінен 3 млн. 150,0 мың теңге бөлінді. Қалған 100 бала демеушілер есебінен қамтылды. Ағымдағы жылы, тау бөктерінде орналасқан «Жұлдыз» балалар сауықтыру лагерінің асханасы «Сыпатай батыр» ЖШС-нің демеушілік көмегімен күрделі жөндеуден өтіп, қолданысқа берілді. Аталған нысанның құрылысына 25,0 млн. теңге қаржы жұмсалды.

    «Мектепке жол» жалпы республикалық акциясы бойынша 2019 жылы аз қамтамасыз етілген және көпбалалы отбасыларынан шыққан 5374 балаға барлығы 36,5 млн. теңге көлемінде материалдық көмек көрсетілді (2018 жылы 1082 балаға 16,9 млн.теңге).

    Денсаулық сақтау саласы. Аудан бойынша 43 емдеу және алдын алу мекемелері жергілікті халыққа  медициналық қызмет көрсетуде. 2019 жылдың қорытындысы бойынша 1651 нәресте дүниеге келді. Есепті кезеңде ана өлімі тіркелген жоқ, бала өлімі – 12 (2018 жылы 13 бала). 2019 жылдың 12 айында  аурушаңдық көрсеткіші: туберкулез – 43 адам (2018 жылы 44 адам), қатерлі ісік аурулары – 91 (2018 жылы 108).

    2019 жылы жаңадан салынған 12 медициналық нысан (Арал қыстақ, Мыңқазан, Сыпатай, Қазақдихан, Қарасу, Талдыбұлақ,  Алтынарық, Тескентоған, Аққайнар, Меркі шипажайы, Қайыңдысай, Беларық) пайдалануға берілді.

    Мәдениет саласы. Аудан бойынша 1 аудандық Мәдениет үйі, 6 ауылдық мәдениет үйі, 9 ауылдық клуб және 25 кітапхана, 1 аудандық тарихи-өлкетану мұражайы, 1 «Зерде» бейнемобиль автоклубы тұрғындарға мәдени-көпшілік қызмет көрсетуде. Сондай-ақ, аудандық Мәдениет үйі қарамағында кинофикация бөлімі, 4 «халықтық» атағы бар ұжым жұмыс жасайды. 2019 жылдың қорытындысы бойынша мәдениет саласында барлығы 71133 адам қатысқан 710 мәдени және  кітапханаларда 835 іс-шара өткізілді.

    Құрылыс көлемі 2019 жылдың 12 айының қорытындысымен 6760,2 млн. теңгені құрап, 2018 жылмен (6261,8 млн. теңге.) салыстырғанда 134,2% құрады.

    Пайдалануға берілген тұрғын үй көлемі 2019 жылдың 12 ай қорытындысымен 31336 шаршы метрді құрап, 2018 жылмен (29352 шаршы метр) салыстырғанда 106,8% құрады.

    Қазақ дихан ауылындағы 120 орындық мектептің  құрылысы 2019 жылы толық аяқталып, 01 тамызда пайдалануға берілді. Облыстық тиісті басқармалар картасына енгізілген Гранитогорск ауылындағы 120 орындық мектеп құрылысы жобасының сараптамасының оң қорытындысы алынды. Мектеп 2020-2021 жылдары толық аяқталып, пайдалануға  беріледі деп облыстық картаға енгізілген. Сондай-ақ, Ақжол ауылының жаңа мектеп құрылысы мен №21 ЖББ мектептің қосымша құрылысының 2019 жылы тиісті құжаттарын жасауға облыстық басқармалардан келісімі алынып, ЖСҚ әзірленді, 2020 жылы сараптамадан өтеді.

    Сарымолдаев ауылының су жүйесінің құрылыс жұмыстарына  2018  жылға бюджеттен 568,2 млн. теңге бөлініп, толығымен игерілді. Мердігер мекеме «KAZ Intel Group» ЖШС. 2019 жылға бюджеттен 444,4 млн. теңге бөлініп, 444,4 млн. теңге игерілді. Нысан 2020 жылы пайдалануға беріледі.

    Ойтал ауылындағы №12 Қ.Сарымолдаев атындағы ЖББ мектебі қазандығының құрылысына 2019 жылы 45,5 млн. теңге бөлініп, игерілді. Құрылыс жұмыстары 2019 жылғы 18 маусымда аяқталып, пайдалануға берілді.

    Жеке тұрғын үй алқаптарына инженерлік инфрақұрылым жүргізіп, тұрғын үйге жер беру аудандағы өзекті проблемалардың бірі. Бүгінгі күнге 13 алқапқа жалпы 35 ЖСҚ әзірленген. 11 ЖСҚ сараптамадан өткізіліп, құрылысына қаржы бөлу үшін бюджеттік өтінім тапсырылған. 1 алқаптың электр жүйесінің құрылысы 2019 жылы жүргізілген. 2020 жылға 4 алқаптың электр жүйелерінің құрылыстарына қаржы бөлінді, жұмыстары ағымдағы жылы жүргізіледі. 24 ЖСҚ-ға сараптама қорытындылары 2020 жылы алынып, құрылысын жүргізуге бюджеттік өтінім тапсырылады.

    Аудан бойынша Андас батыр және Кеңес ауылдарының  су жүйесінің құрылысына ЖСҚ әзірленген. Кеңес ауылының су жүйесінің ЖСҚ сараптамадан өткізуші мекемені анықтау үшін мемлекеттік сатып алу конкурсының нәтижесіне сәйкес жеңімпаз анықталған. Су жүйесінің ЖСҚ-сын 2013 жылы әзірлеген мекеме «ГАПП» ЖШС сараптамадан өткізетін мекеме берген кемшіліктер мен ескертпелерді қазіргі талапқа сәйкес орындай алмай отыр. Ал, демеушілер арқылы Андас батыр  ауылының су  жүйесінің жобасы қайта есептеліп, қазіргі талапқа сәйкестендірілуде. Осы аталған жұмыстар аяқталғанда қорытыңды алуға жұмыстар жалғастырылатын болады.

    Жол. Ауданда қоғамдық қолданыстағы автожолдар, негізі, 3 санатқа бөлінеді. Жолдың жалпы ұзындығы 344,4 шақырым (178 шқ. республикалық, 70,5 шқ. облыстық, 95,9 шқ аудандық).

    2019 жылға Меркі ауданы аумағындағы автомобиль жолдарын жөндеу жұмыстарын жүргізуге 861,2 млн. теңге бөлінді және тиісті жұмыстар толығымен аяқталып, пайдалануға берілді.

    Оның ішінде: облыстық мәндегі автомобиль жолына 320,4 млн. теңге бөлінді, жалпы, 14,34 шқ  (Меркі-Бурылбайтал (Лермонтов) 7 шқ және Меркі-Санаторий 7,34 шқ).

    Аудандықмаңызы бар жолын орташа жөндеуге 247,4 млн. теңге жалпы 20,4 шқ  (Андас батыр – Гранитогорск 2019 жыл 12 шқ (1,4 шқ) (өтпелі) және Ойтал – Қызыл қыстақ 19 шқ).

    Аудандық маңызы бар жолын ағымды жөндеуге 10,0 млн. теңге. Жалпы 16,7 шқ.

    Ауылішіліккөшелерді орташа жөндеуден өткізуге 283,4 млн. теңге бөлінді.  Жалпы 17,1 шқ. (14 ауылішілік көшелерінің жалпы 15,2 шқ, яғни, Ақтоған а/о қарасты Жамбыл көшесі 0,6 шқ, Жаңатоған а/о қарасты Мұстафаев көшесі 1,2 шқ, Сарымолдаев а/о Қырғызбаев 1,4 шқ және Садовая 1,92 шқ көшелері, Сұрат а/о қарасты Ә.Молдағұлова  көшесі 0,77 шқ, Тәтті а/о қарасты Қорағаты көшесі 0,9 шқ, Ойтал а/о қарасты Революция көшесі 0,67 шқ, Андас батыр а/о Ленин көшесі 2,1 шқ, Жамбыл а/о қарасты Қабылов көшесі 0,6 шқ, Ақарал а/о қарасты Нұралиев көшесі 1,28 шқ, Рысқұлов а/о қарасты Ш.Төкешұлы көшесі 0,76 шқ, Меркі а/о қарасты Гайдар 1 шқ, Тутокин 1 шқ, Қажымұхан 1 шқ).

    Нақты аудандық мәндегі жолдардың жақсы және қанағаттанарлық үлесі 2019 жылдың қортындысымен 86,3% құрады. 2019 жылы белгіленген меже 100% орындалды.

    Жарықтандыру. Ауданда 45 елді мекеннің барлығы электр көздерімен жабдықталған. 2019 жылы Меркі ауылдық округіне қарасты Е.Есімбеков, С.Сейфуллин көшесі мен Жамбыл ауылдық округіне қарасты Жауғаш батыр көшесіне трансформатор орнату мақсатында 54,8 млн. теңге бөлініп, құрылыс жұмыстары аяқталды. Сонымен қатар, электр қуатын көрші Қырғызстан елінен алып отырған Жауғаш батыр ауылына электр тоғын жүргізуге ЖСҚ әзірлеу жұмыстары жүргізілуде, облыстық тиісті басқармадан келісім, «Меркі аудандық электр жүйелері» ЖШС-нен техникалық шарт алынып, топографиялық түсірілім (топосъемка)  жасалды.

    Ауыз сумен жабдықтау және су бұру жүйесінің жұмыс істеуі. Ауданда 45 елді мекеннің 32-сі орталықтандырылған ауыз сумен, ал 13 елді мекені орталықтандырылмаған ауыз сумен қамтылған немесе 71,6% (2018 жылы 68,1%). 2019 жылы орталықтандырылмаған елді мекендерді ауыз сумен қамту мақсатында тиісті жұмыстар атқарылып, Тұрлыбай батыр (ЖСҚ құны 27,3 млн. теңге) және Қарасу (ЖСҚ құны 17,5 млн.теңге) елді мекендері ауыз сумен қамтылды. Сонымен қатар, Қостоған, Т.Рысқұлов елді мекендерін ауыз сумен қамтамасыз ету үшін 17,3 млн.теңге қарастырылып, ЖСҚ әзірленіп, сараптамадан өтті. Құрылыс жұмыстарын жүргізуге бюджеттік өтінім берілетін болады.

    Табиғи газ. Меркі ауданы бойынша 45 елді мекеннің 39-на жоғарғы және орта қысымды газ құбыры тартылған,  қамту үлесі 86,6%. Қалған 10-45 аула саны бар 6 елді мекенге (Қарасу, Ақкөзқайнар, Жауғаш батыр, Мыханды, Тасөткел, Шемен) газ тарту жұмыстары 2025 жылға дейін жоспарланған. 2019 жылы Ақкөз қайнар және Қарасу ауылдарын орталықтандырылған газ құбырына қосу үшін ЖСҚ әзірленді. 2020 жылы аталған жобаларды сараптамадан өткізу бойынша тиісті жұмыстар атқарылатын болады.

    Андас батыр ауылындағы «Нововоскресеновка» газ реттегіш станциясын қайта жаңғырту жобасына 2019 жылға Республикалық бюджеттен 676,8 млн.теңге бөлініп, тиісті жұмыстар толығымен аяқталды.

    2019 жылы инженерлік-коммуникациялық инфрақұрылымды жобалау, дамыту және (немесе) жайластыруға тиісті қаражат бөлініп, Сарымолдаев ауылы, Ращупкин көшесіне газ реттегіш қондырғы орнатуға (ШРП) ЖСҚ әзірленді және мемлекеттік сараптамадан өтті.  Құрылыс жұмыстары  2020 жылы жүргізілетін болады.

    Елді мекендерді абаттандыру және көгалдандыру. Аудан аумағында санитарлық тазалықты қамтамасыз ету мақсатында барлық мекемелер жұмылдырылып, 21 сенбілік ұйымдастырылды. 2019 жылы аудан аумағында жалпы 9961 жасыл желек отырғызылды.

    Спорт саласы. Ауданда 2019 жылы дене шынықтыру және спортпен шұғылданушылар саны – 25432 адам болды. Жыл басынан барлығы 282 спорттық  іс-шара өткізіліп,  41922 адам қамтылған. 2019 жылы жалпы аудан көлемінде  212 спорт нысаны халыққа қызмет көрсетті (2018 жылы – 209). Өткен жылы Жаңатоған, Тәтті ауылдық округтерінде кіші футбол алаңшалары және  14 ауылдық округте шығынды аз қажет ететін стритворкаут алаңшалары салынды. Сондай-ақ, «Ауыл – ел бесігі» бағдарламасы аясында Меркі ауылында спорт кешенін салуға 117,3 млн. теңге бөлініп отыр. Құрылыс жұмыстары 2020-2021 жылдарға жоспарланған. Аудандағы қолда бар 212 спорт нысанынан 147-сі  білім мекемелері нысандарына, 46-сы  дене шынықтыру-спорттық мәндегі нысандарға жатады. Халықтың спорттық нысандарға қолжетімділігін қамтамасыз ету мақсатында дене шынықтыру және спортпен шұғылдану кестелері жасалынып, жергілікті бұқаралық ақпарат құралдарында жарияланды.  Аудан спортшылары 2019 жылдың қорытындысы бойынша 1186 медальға (2018 жылы 724 медаль) ие болды. (333 алтын, 383 күміс, 470 қола).

    Сонымен қатар, 2020 жылы Жамбыл ауылдық округінен демеушілер көмегімен балалардың спортпен айналысатын ғимаратының құрылысы басталады деп күтілуде.

    Ішкі саясат. Қазақстан Республикасы Президентінің 2019 жылдың 2 қыркүйектегі  Қазақстан халқына арнаған Жолдауын түсіндіру бойынша аудандық 7 ақпараттық топ құрылып, желілік кестеге сәйкес, ауылдық округтерде 161 кездесу өткізіліп, іс-шаралар ұйымдастырылды. Аудандық «Меркі тынысы», «Меркі ақиқат» газеттерінде 90 мақала жарияланды. Елбасының «Болашаққа бағдар: рухани жаңғыру» бағдарламалық мақаласы аясында желілік кестеге сәйкес, 140 іс-шара, қосымша 1258 іс-шара ұйымдастырылып, барлығы 1398 іс-шара өткізілді. Іс-шараларға 47000-нан  аса адам қамтылды. Этносаралық және конфессияаралық қатынастарды нығайтуға байланысты 63 іс-шара жоспарланып, толық ұйымдастырылды. Жалпы, ауданда этносаралық және конфессияаралық қатынастар тұрақты.

    «Дипломмен ауылға» бағдарламасы. 2019  жылы көтерме жәрдемақы алу үшін 50 маманға 8,8 млн. теңге бөлініп, әр маманға 176,7 мың теңгеден берілді (білім – 42, денсаулық сақтау – 7,                 ветеринария  – 1).

    Тұрғын үй сатып алу немесе салу үшiн 15  жылға дейінгі мерзiмге жылдық 0,01% мөлшерiндегі сыйақы мөлшерлемесі бойынша 12 маманға   45,4 млн. теңге қаражат бөлініп, әр маманға 3,7 млн. теңгеден берілді (білім – 9, денсаулық сақтау – 1, ветеринария – 2).

    Жұмыспен қамту бөліміне жыл басынан 3432 адам (2018 жылы – 2511 адам) қайырылып, 3432 адам (2018 жылы – 2511 адам) жұмыспен қамтылды. Есепті мерзімде  жұмыссыздар саны – 522 адам (2018 жылы – 104 адам).

    «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» бойынша:

    I бағыты: Бағдарламаға қатысушыларды техникалық және кәсіптік біліммен және қысқа мерзімді кәсіптік оқумен қамтуға 240 азаматқа 45,7 млн. теңге қаржы бөлініп, 6 білім мекемесімен келісім-шарт жасалып, 247 азамат жолдамамен жолданып, 43,9 млн.теңге игерілді.

    II  бағыты: Жаппай кәсіпкерлікті дамыту бойынша 197 адамға өз ісін ашуға және ары қарай дамытуға 803,9 млн.теңге қаржы бөлініп, 178 адамға өз ісін ашуға несие берілді. Жоспар бойынша кәсіптік негіздерін оқытуға 120 адам бөлініп, оқуға 519 азамат жолдамамен жіберіліп, 501 адам оқуды аяқтап, сертификаттарын алды.

    III  бағыты: 2019 жылы жұмысқа орналасуға қиындық көріп жүрген адамдарға қоғамдық ақылы жұмыстарды ұйымдастыруға – 215 жұмыссызға 151,3 млн.  теңге бөлінді. Жыл басынан бері қоғамдық ақылы жұмысқа 428 жұмыссыз тартылып, оларға 151,3 млн. теңге төленді.

    2019 жылы жастар тәжірибесін ұйымдастыруға 54,3 млн.теңге, әлеуметтік жұмыс орындарын ашуға 24,6 млн.теңге бөлінді.  Есепті кезеңде әлеуметтік жұмыс орындарына 151 адам жіберіліп, оларға 24,6 млн.теңге төленді. Жастар тәжірибесіне 143 адам жіберіліп, оларға 54,3 млн.теңге төленді.

    Жаңа бизнес идеяларды іске асыруға арналған бағдарлама бойынша 3 адамға 252500 теңге, 19 мүгедек азаматқа 9,6 млн.теңге, 81 көп балалы отбасына 40,9 млн. теңге, 407 жасқа (29 жасқа дейін)  205,5 млн. теңге қайтарымсыз гранттар берілді.

    Атаулы әлеуметтік көмек бағдарламасы.  2019 жылға бюджеттен 2253,0 млн. теңге (2018 ж-171,2 млн. теңге, қарастырылып,  (РБ-1724,5 млн. ҰҚ-500,0 млн. ЖБ-28,5 млн.) 3638 отбасындағы 17422 адамға 2253,0 млн. теңге (2018 ж 985 отбасындағы 5240 азаматқа 171 млн. 230 мың теңге) тағайындалып, төленді.

    Аудан көлемінде жалпы мүгедектер саны 2564 (2018 жылы – 2566) адамды құрайды, оның ішінде: 1 топ –  185 адам (2018 жылы – 192),  2 топ – 1110 адам (2018 жылы – 1144),  3 топ – 918 адам (2018 жылы – 888),  16 жасқа толмаған мүгедек балалар саны –  351 адам (2018 жылы – 342).

    2019 жылы үйде оқытылып жатқан мүгедек балаларға жәрдемақы төлеу үшін 100 өтініш қабылданып (2018 ж – 112 өтініш),  5,2 млн. теңге (2018 ж-5,6 млн) есеп шоттарына аударылып берілді.

    Ауған соғысының 67 (2018 ж – 68 азамат) ардагеріне 4,0 млн. теңге (2018 ж – 2,0 млн), Чернобыль апатына ұшыраған 14 азаматқа 420 мың (2018 ж – 14 азаматқа 420 мың теңге), ҰОС соғысының ардагерлері мен қатысушыларына, жесіріне, концлагерде болған  азаматқа, наградталған және тыл еңбеккерлеріне барлығы 399 (2018 ж – 476 азамат)  азаматқа 23,4 млн. теңге (2018 ж – 9,2 млн.) төленіп берілді.

    Міндетті гигиеналық құралдармен қамтамасыз ету үшін 2019 жылы мұқтаж 198 азаматқа 24,5 млн.теңге бөлініп, игерілді (2018 ж – 211  адамға 19,9 млн.теңге).

    Жастар ісі. Аудан бойынша жалпы халық санының ішінде жастар саны – 17643 (ерлер – 8518, әйелдер – 9125), яғни 20,8 % құрайды.

    2019 жылы ауданда мемлекеттік жастар саясатын іске асыру мақсатында «Жастар ресурстық орталығы» КММ-не 46,7 млн. теңге қаржы қарастырылып, 2018 жылмен (34,0 млн)  салыстырғанда 37% артып отыр.

    2019 жылдың қорытындысы бойынша «Жастар ресурстық орталығы» КММ-нің ұйымдастыруымен әр түрлі бағыттар бойынша 313 іс-шара өтті. Іс-шараға қамтылған жастардың саны – 12306.

    Ауданда қылмыспен күресу және оның алдын алу бойынша тиісті жұмыстар жүргізілуде. 2019 жылдың 12 айы ішінде 334 қылмыс тіркелген (2018 жылы – 429) 95 дерекке немесе 22,1% томендеген. 2019 жылы Меркі ауданында жергілікті атқарушы органдар арасында сыбайлас жемқорлық сипатындағы орын алған қылмыстар саны 1 (2018 жылы – 2).

    Арыз-өтініштер. 2019 жылы аудан әкімі аппаратына келіп түскен жазбаша өтініш-арыздардың саны – 663 (2018 ж. – 445). Жеке қабылдауға 2019 жылы барлығы 637 азамат қабылданып, қолданыстағы заңдар аясында тиісті жауаптарын алған (2018 жылы  – 392).

    Облыс әкімінің 2019 жылдың 13-наурызындағы №70 өкіміне сәйкес, аудан әкімінің жұмыс алгоритмі бойынша 2019 жылдың сәуір-желтоқсан айларында 14 ауылдық округтегі 45 елді-мекенде халықпен 63 және  әртүрлі сала өкілдерімен 18 кездесу өткізілді.

    Аудан әкімінің 2018 жылдың қорытындысы бойынша, 2019 жылдың ақпан айында халыққа есеп беру кездесуі барысында айтылған ескертулер мен ұсыныстарды іске асыру жөніндегі бекітілген 13-ақпандағы №49 қаулысындағы іс-шаралар жоспарына сәйкес 27 мәселе бақылауға алынған. Аталған мәселелер аудан әкімдігінің мәжілісінде 2 мәрте қаралып, орындалған 25 мәселе бақылаудан алынды. Қалған 2 мәселе бүгінгі күнге орындалу үстінде.

    Олар: 1. Аудан аумағында су қоймаларының құрылысын жүргізуге ЖСҚ әзірлеу. Бүгінгі күнге су қоймаларының құрылысын жүргізуге аудан әкімдігінің 2019 жылғы 31-желтоқсандағы №486 қаулысы қабылданып, облыстық құрылыс басқармасы тарапынан ЖСҚ әзірлеу үшін жерлерінің мемлекеттік актілері және  бастапқы деректері жинақталуда.

    1. Меркі ауылындағы балалар кітапханасын күрделі жөндеуден өткізу. Балалар кітапханасын күрделі жөндеуден өткізуге мемлекеттік сараптама алынған. Жалпы, ЖСҚ құны 32,3 млн.теңге. Бұрынғы балалар кітапханасын жөндеу қаражат тапшылығына байланысты қолдау таппады. 2020 жылы жөндеу жұмыстарын жүргізу жоспарланып отыр.

    Пилоттық жоба. Облыс әкімі А.Мырзахметовтің тапсырмасымен 2019 жылы ауыл тұрғындарының тұрмыс жағдайын көтеру мақсатында жоба қабылданып, жұмыстар жүргізілуде. Осы мақсатта Сұрат ауылдық округі пилоттық ауылдық округ болып бекітіліп, барлығы 630,0 млн. теңге бөлінеді деп жоспарлануда.

    Оның ішінде, үй іргесіндегі жерді тиімді пайдаланып, көкөніс егу арқылы табыс табу үшін Сұрат ауылдық округінің жалпы үй іргесіндегі егіске жарамды 462 ауласының 97,02 га жерінің, 438 ауласы 92,02 га жерімен жобаға қатысуға ниет білдіріп отыр. Аула маңында мал өсіру, жылыжай, шеберхана салу  және т.б. кәсіп арқылы табыс табу үшін Сұрат ауылдық округі бойынша 182 адам өтінім білдіріп, құжаттарын «Тараз» ӘКК-ға өткізді. Бүгінгі күні қаржылары берілу үстінде.

    Сондай-ақ, ауыл сыртындағы жерлерді ауыл тұрғындарымен бірлесіп пайдалану арқылы мал азығымен қамту, техника, тұқым және басқа да тауарлық құндылықтармен қамтамасыз ету, ауыл шаруашылығы кооперативіне бірігу арқылы жұмыс жүргізу, жобаларды қаржылындыру арқылы тұрғындардың өз кәсібін ашуға мүмкіндік берілгелі отыр.

    Әрбір жетістік  – мақсаттың айқындығы мен қажырлы еңбектің жемісі. Болашақтың қазығын мықтап қаққан азаматтардың сенімінің нәтижесі. Меркі өңірінің әлеуметтік-экономикалық саласының дамуы жұмылған жұдырықтай болған  ел бірлігінің арқасы.

    Халықтың сенімін ақтаудан артық ештеңе жоқ екенін түсіне отырып, ауданның еңбеккерлері 2020 жылы да ел экономикасының көтерілуіне жоғары үлес қосатын болады.

    © 2015 Информационный портал аппарата акима Меркенского района