100%200%
Меркі ауданы әкімі аппаратының
ақпараттық порталы

    Ауылдық округ әкімдерінің халық алдындағы есептері

    Меркі  ауылдық  округінің  әкімі

    Ұлан  Жұматаевтыңесебі

    Елбасы Н.Назарбаевтың «Болашаққа бағдар: рухани жаңғыру» атты мақаласына орай, 2019 жылы Меркі ауылдық округінде білім, мәдениет салалары және округ тарапынан  түрлі іс-шара өткізілді. Соның бірі  – оқушылар «Үміт» сарайында өткен «Жамбылым қандай тамаша!» – атты аудандық байқауы өткізіліп, оған ауыл тұрғындары мен мекеме ұжымдары қатысып, нәтижесінде, арнайы номинациясымен марапатталды. 

    Сонымен қатар,  ауданда құрылған «Меркі қайырымды жандары» деп аталған әлеуметтік «Инстаграм» және «Ватсап» желісі арқылы құрылған топ нәтижесін беруде. Бүгінгі күнге 100 мүшесі бар топ, ауылдық округтегі жағдайы төмен отбасылардың мекен-жайын алып, материалдық және ақшалай нақты көмектерін көрсетуде. Ол Меркі ауылдық округінің тізімінен басталып, бүгінде аудан бойынша мұқтаж жандарға көмек көрсетуде.

    Меркі ауылдық округі басқа округтерге қарағанда аудандағы ең үлкен аумақ. Округ, негізінен, екі елді мекеннен тұрады, олар: Меркі ауылы және Меркі шипажайы шатқалы.

    Халық саны 14 094 адамды немесе отыздан астам ұлт өкілдерін құрайды. Халық саны жыл санап  өсуде, былтырғы жылмен салыстырғанда, 151 тұрғынға көбейген. Округ бойынша 65 көше, 9 бұрылыс пен тұйықтар бар, және әртүрлі 65 мекеме орналасқан.

    Меркі ауылдық округі бойынша жыл ішінде төмендегідей жұмыстар атқарылды. Атап айтқанда:

    Ауылдық округтің экономикалық-әлеуметтік көрсеткіштері бойынша өнеркәсіп саласында төмендегі мекемелер жұмыс атқаруда. Атап айтқанда, «ДЭУ-35», «Айя сервис» және «Меркі жолдары» ЖШС-гі жол жөндеуге қатысты техникалармен, асфальт зауыттарымен, тас уатқыш қондырғылармен және құм-шағал цехтармен жарақталған. Құрылысқа жергілікті құрылыс материалдары пайдаланылады.

    Жол жөндеу жұмыстары. 2019 жылы Меркі ауылдық округінде 2 көшеге шамамен 30,0 млн. теңге қаражат бөлініп, асфальт төселді (Тутокин, Қажымұқан).  Жалпы, округ бойынша 65 көшенің бүгінде 3 көшесі қанағаттанарлық жағдайда болса, 17 көше мүлдем қанағатанарлық емес жағдайда. Келесі жылы, «Ауыл – ел бесігі» бағдарламасы аясында округте бірнеше көше жөнделетін болады.

    Елді мекендерді аббаттандыру және көгалдандыру бойынша да бірқатар жұмыстар атқарылды. Атап айтқанда:

    Өңірлерді дамытудың 2020 жылға дейінгі бағдарламасы шеңберінде, өңірлерді экономикалық дамытуға жәрдемдесу бойынша, шараларды іске асыруға ауылдық елді мекендерді жайластыруды шешуге арналған іс-шараларды іске асыруға 15,0 млн. теңге бөлініп, Ә.Ысмайылов көшесінің бойында аббаттандыру жұмыстары жүргізілді. «Наурыз» дәріханасының алды аббаттандырылып, тұрғындар үшін демалыс орнына айналды. «Алимжан» балабақшасының алдына балаларға арналған алаң орналастырылып, қолданысқа берілді. «Мерей» құрылыс дүкенінің маңында да аббаттандыру жұмыстары жүргізіліп, көпшілік демалатын орынға айналдырылды.

    Аумақтағы  «Нұр Отан» партиясы мекемесі ғимаратының маңына  «Өңірлерді дамыту» бағдарламасы аясында абаттандыру  жұмыстары жүргізілді. Атап айтқанда, 271 дана «Газания» гүлі, 389 дана «Бархат» гүлі, 35 дана «Канада» күлені, 69 дана қылқан жапырақты ағашы, 2698 шаршы метр көгал (газон) егілді.

    Ағаш отырғызу күні мерекесі ұйымдастырылып, соның қарсаңында аудан әкімінің, аудан әкімінің орынбасарларының және ауыл ақсақалдарының қатысуымен Орталық саябаққа қылқан жапырақты талдар отырғызылды. «Табиғат сыйлығы» сауда үйі, аудандық статистика басқармасы ғимараты және А.Асқаров атындағы орталық стадион алдына, жалпы, 1200 дана «Роза» гүлінің көшеттері отырғызылды. Ә.Исмайылов, М.Мәметова, Қ.Сарымолдаев көшелерінің бойындағы қурап кеткен қылқан жапырақты ағаштарды ауыстыру жұмыстары жүргізілуде: 150 арша, 60 Тьянь-шань ағашы, 100 қарағай егілді.

    Ауданның орталық көшелерінің бағаналарына сәндік жарық элементтер орнатылды. Орталық саябақ ішінде «Анаға тағзым» атты ескерткіш орнатылып, жарық шамдары толық жөнделіп, маңдайша жазу қайта жаңартылды.

    Ал, жер асты өткелдері ағымды жөндеуден өткен, бірақ та, бұзақылар тарапынан зиян келтірілгендіктен, биыл енді орташа жөндеу жұмыстары жүргізіліп, бейнебақылау камерасы орнатылатын болады. М.Мәметова көшесінің бойына «Стрит-воркаут» спорт алаңшасы салынып, қолданысқа берілді.

    Ауыз сумен қамту  туралы:  2019 жылы Меркі шипажайы тұрғындарына ауыз су құбыры тартылып, пайдалануға берілді.

    Санитарлық тазалық. Ә.Ысмайылов, М.Мәметова және Қ.Сарымолдаев көшелерінің талдары 3 мәрте ақталып, электр бағандары сырланды. Сонымен қатар, аталған көшелердегі апатты жағдайдағы  және қураған талдар жойылды.

    М.Мәметова және Қ.Сарымолдаев көшелеріндегі қылқан жапырақты талдар сәндік үлгіде қырқылды. Сонымен қатар, аталған көшелердегі темірден жасалған аялдамалар боялып, бетон аялдамалар сырланды. Сенбілік жұмыстары да назардан тыс қалмады. Әр сенбі күндері аудандық мекемелер тарапынан қолдау көрсетіліп,  нақты жұмыстар жүргізілді.

    Қоқыс орындарын азайту үшін аудан орталығындағы екі аялдамаға үлкен қоқыс урналары және «Махаббат әлемі»  сауда үйі мен пошта ғимараты арасына орташа 12 урна қойылды.

    Ауыл шаруашылық саласы. Ауылдық округ аумағында барлығы 27 жеке шаруа қожалығы тіркелген. 2019 жылдың қыс маусымына жетерлік мал азығы даярланған. Округтегі 27 шаруа қожалығының 15-і тек мал өсірумен, қалғандары ақ егіс және мал азығын дайындаумен шұғылданады. Тұрғын үй салуға қажетті жер кезегіне бүгінгі күнге дейін 1546 адам тіркелді.

    Білім, мәдениет, денсаулық және спорт салалары бойынша, жалпы, қуанарлық жетістіктеріміз баршылық. Атап айтқанда, ҰБТ нәтижесімен №17, №39 ЖББ мектеп гимназиялары ең жоғарғы көрсеткішті көрсетсе, оқушылар «Үміт» сарайының балалары халықаралық байқауларда тамаша табыстарымен қуантуда. Ал, спорт саласына келсек, аудан орталығындағы стадионда түрлі жарыстар ұйымдастырылып, халықтың спортпен айналысуына қолайлы жағдайлар жасалуда. Сонымен қатар, мәдениет саласында, жалпы аудан бойынша, аудандық Мәдениет үйінде 244 іс-шара өтіп, оларға 52 мыңнан астам адам қатысқан.

    Меркі ауылдық округінің аумағында орталық аурухана және орталық балалар емханасы, «Самат и К» ЖШС-нің тіс емханасы орналасқан. Ауданда «Салауатты Қазақстан» мемлекеттік бағдарламасын орындау мақсатында скринингті зерттеу, яғни, мемлекетімізде көрсеткіштері жоғары болып тұрған аурулардың алдын алу бойынша тұрғындарды медициналық тексеруден өткізу және т.б. алдын алу шаралары жоспарға сәйкес жүргізілді.

    2019 жылғы көктемгі және күзгі әскери шақырулар ұйымдастырылып, округтен 20-дан астам азамат Қазақстан Республикасының Қарулы Күштері қатарына әскери борышын өтеуге жіберілді. Ұлы Отан соғысындағы Жеңіс күні мерекесіне орай, Меркі ауылдық округінде тұратын 4 ардагерге  9-мамыр  – Жеңіс күні мерекесі қарсаңында сый-құрмет көрсетілді.

    2020 жылға атқарылатын жұмыстар:

    • Халыққа қызмет көрсету оралығы (ЦОН) мекемесінің алдына такси тұрағын орналастыру;
    • Орталық саябаққа ағымдағы жөндеу жұмыстарын жүргізу;
    • Ә.Ысмайылов көшесінің бойында орналасқан жер асты өткелдеріне орташа жөндеу жұмыстарын жүргізу;
    • «Үміт» сарайы мен «Хаят» мейрамханасына дейінгі жаяу жүргіншілер жолына орташа жөндеу жұмыстарын жүргізу;
    • Меркі ауылы аумағында спорт кешенінің құрылысын жүргізу;
    • Меркі ауылы ішіндегі 19-дан астам көшеге орташа жөндеу жұмыстарын жүргізу;
    • Аудандық емхана алдына қауіпсіздікті қамтамасыз ету бағытында автотұрақ салу;
    • Меркі ауылдық округінің аумағында орналасқан ЖББМ-тердің және балабақшалардың айналасына түнгі жарықтандыру жұмыстарын жүргізу;
    • Меркі ауылы, Қ.Сарымолдаев көшесінің бойындағы жаяу жүргіншілер жолын демалыс орындарына айналдыру;
    • Меркі ауылы, Т.Бокин көшесіне жаяу жүргіншілер жолын салу;
    • «Үміт» сарайының қазандығын газдандыру.

     

    Меркі ауылдық округінің әкімі                          Ұ.Жұматаев

     

     

     

     

     

     

     

     

     

     

     

     

    Ақтоған ауылдық округінің әкімі

     Тұрар Дулатбаевтың  есебі

     

    Ақтоған ауылық округі – Ақтоған және Қазақ-дихан елді мекендерінен тұрады. Округ бойынша халық саны – 3801 адам. Аумақта 19 көше, 621 аула бар және 4 түрлі мекеме орналасқан.

    Өнеркәсіп, кәсіпкерлік, туризм саласы бойынша аумақта – 104 шаруа қожалығы,  «Тілеміс батыр» ЖШС-гі, сонымен қатар, шағын кәсіпкерлікпен айналысатын 10 азық-түлік дүкені, 1 дәріхана, 1 жанармай бекеті, 1 газ құю бекеті, 1 кафе, 1 монша, 1 мал дәріханасы, 2 шаштараз, есік-терезе шығаратын және ойыншық жасайтын цехтары жұмыс істеуде.

    Ауыл шаруашылық саласы. Ауылдық округ аумағында ауыл шаруашылығы бағытында барлығы 104 шаруа қожалығы және «Тілеміс батыр» ЖШС-гі жұмыс істеуде. Оның ішінде 22 ш/қ – мал шаруашылығымен айналысады. 2019 жылы шаруа қожалықтары, барлығы 708 га. жерге бидай егіп, одан  133,9 тонна, яғни, 18 центнерден, 1400 га. арпадан 322,0 тонна, 23 центнерден өнім жинады. Аумақта оба, аусыл және  т.б. мал ауруларының алдын-алу мақсатында жоспарлы жұмыстар жүргізіліп, мемлекет тарапынан бөлінген вакциналар толығымен егілді.

    Құрылыс (тұрғын үй құрылысы), ауыз су, газдандыру, жол мәселесі. Қазақ дихан ауылында 2019 жылдың 1-қыркүйегінде жаңа 120 орындық №33 жалпы білім беретін мектебінің құрылысы аяқталып, пайдалануға берілсе, ал ағымдағы жылдың 29-қарашасында, осы ауылда, медициналық пункт пайдалануға берілді.

    Ақтоған ауылындағы Жамбыл көшесінің 600 метр жеріне 11 млн. 916,7 мың теңге қаражатқа орта жөндеу жұмыстары жасалынды.

    Мемлекеттік және аумақтық бағдарламалардың орындалуы: 2019 жылы «Өңірлерді дамыту бағдарламасы» аясында – 3 млн. 174 мың теңгеге Ақтоған ауылындағы ойын алаңын (стадион) жандандыру бойынша ағымдағы жөндеу жұмыстары жүргізілді.

    Ақтоғандағы 125 дана түнгі жарықтандыру шамдары жаңа диодты шамдарға ауыстырылды.  Демеушілердің көмегімен, осындағы «Шақшам ата» мешітінің кіре-берісіне   1 млн. 200 мың теңгеге бастырма орнатылды. Осы ауылдағы Т.Әлшеев көшесінің тұрғыны, тұрмыс жағдайы төмен отбасы И.Адамбаеваның үйіне 125 мың теңгеге табиғи газ кіргізіп берілді.

    Білім саласы. Округ аумағында №4 «Тілеміс батыр» және №33 жалпы білім беретін мектептері орналасқан. Мектептердің материалдық-техникалық базалары толықтай жабдықталған. Компьютер, мультимедия сыныптары жұмыс істеуде. №4 «Тілеміс батыр»  ЖББМ-де 645 оқушы білім алуда, оларға 107 мұғалім білім берсе, №33 ЖББМ-де 108 оқушы оқиды. Мектепте  23 мұғалім жұмыс істейді.

    Мәдениет саласына келсек, округ аумағында халыққа қызмет көрсететін ауылдық мәдениет үйі мен ауылдық кітапхана жұмыс істейді. Кітапханадағы кітап қоры – 9308 дана, оның ішінде, қазақ тілінде – 5446 дана болса, орыс тіліндегі кітаптар саны – 3862, тұрақты оқырмандар саны – 600.Кітапханада «Модем» арқылы интернет желісіне қосылған 1 компьютер қызмет көрсетеді. Мұнда 2015 жылдан бастап, республикалық автоматтандырылған кітапхана жүйесіне (РАБИС) қосылған. Кітапханада цифрландырылған ақпараттық орталық базасы арқылы ақпараттар жаңартылуда. Электрондық Үкімет порталы арқылы халыққа анықтама берілуде.

    Денсаулық сақтау саласы. Ақтоған ауылдық округінің аумағында бір дәрігерлік амбулатория мен фельдшерлік пукнт жұмыс істеп тұр. 2019 жылы Қазақ дихан ауылында жаңа заман талаптарына сай фельдшерлік пункт ғимараты бойы көтеріп, 29-қараша күні салтанатты ашылу рәсімі өткізілді.

    Спорт саласы. Округ аумағында бүгінгі күні бокс, қазақ күресі, еркін күрес, футбол, волейбол командаларында жасөспірімдер және ересек азаматтар өз таланттарын дамытуда. Есепті жылы еркін күрестен жастар арасынан ашық турнир және Тілеміс Жанжігітұлын еске алу мақсатында, облыстық деңгейде бокстан да ашық турнир өткізілді. Округтен 4 жасөспірім чемпион атағына ие болды. Ауыл түлегі Базарбаев Мерей Асқарұлы Астана қаласында өткен Азия чемпионатында ІІІ орынды  иемденіпқайтты. Футболдан, волейболдан құрылған командалар аудандық жарыстарға қатысып, жүлделі орындардан көрінуде. Облысымызда өткізілген ұлттық «Асық ату» ойынынан жүлделі ІІ орынды иеленді.

    Жастар мәселесі. Ақтоған ауылдық округінде 811 жас тіркелген. Оның ішінде, 10 жасымыз  еріктілер есебінде, яғни, жалғыз басты қарттарға, көп балалы аналарға, мүгедек жандарға үй шаруаларына көмек көрсетіп келеді. 14-29 жасқа дейінгі мүгедек жандар саны – 12.   «2019 – Жастар жылына» орай, 3 миллион қайтарымсыз грантқа ие болу жолында өз жобаларын қорғап, нәтижесінде 3 жас грант игері атанды. Атап айтсақ, Абдразақ Данияр – 2,5 миллион теңге грант алып, лимон өсірумен айналысуда. Қойшыманов Дәулет  – 2,5 миллион теңгеге қол жеткізіп,  «Құрғақ жемістер» атты жобасын, Тынышбай Асыл 1 миллионға «Түрлі-түсті құрт»  жасау сияқты жобасын қорғап, жұмыстарын  жандандыруда. 505 мың теңгелік қайтарымсыз грантты барлығы – 28 адам, оның ішінде, 17 жас алып, қазіргі таңда түрлі сала бағыттарда өз жұмыстарын жүргізуде.

    Құқық қорғау саласы. Ақтоған ауылдық округі әкімінің аппаратында Сыбайлас жемқорлыққа қарсы күрестің 2019 жылға арналған іс-шаралар жоспары жасалынған. Осы жоспарға сәйкес, құқық бұзушылыққа жол бермеу үшін барлық мүмкіндіктер қарастырыла отырып, жүйелі жұмыстар жүргізілді. Аппарат қызметкерлері арасында құқық бұзушылық бойынша фактілер жоқ. Округ аумағында 1 учаскелік тірек пункті орналасқан. Учаскелік инспектордың бөлмесі компьютормен, кеңсе жабдықтарымен толық қамтамасыз етілген.

    Қазақстан Республикасының «Әскери міндеттілік және әскери қызмет туралы» Заңының 19-бабына сәйкес, 2019 жылғы көктемгі және  күзгі әскери шақырулар ұйымдастырылып, округтен 12 азамат ҚР-ның Қарулы Күштері қатарына, әскери борыштарын өтеуге жіберілді.

    Санитарлық тазалық. Округ аумағында санитарлық тазалық жұмыстарын жүргізу  үшін 300 мың теңге бөлініп, толығымен игерілді. Санитарлық тазалықты қамтамасыз ету бойынша көктемгі және күзгі екіайлық кезінде округ аумағындағы мекемелер, кәсіпкерлер, шаруа қожалықтарының  басшылары, көше тұрғындары түгел қамтылып, жоспарлы жұмыстар атқарылды.

    Арыз-шағымдардың орындалуы.  Есепті  жылы ауылдық округ әкімінің аппаратына барлығы – 237 өтініш түскен, оның ішінде, жеке тұлғалардан – 156, заңды тұлғалардан – 6-уы жазбаша, 75-і ауызша келген. Барлығына да жауаптар толық беріліп, өтініштері қанағаттандырылды. Келіп түскен өтініш, арыз-шағымдар, негізінен,  жерлерін қайта рәсімдеу, жерді жеке меншікке сатып алу, балабақша кезегі, атаулы әлеуметтік көмек және т.б. мәселелерге қатысты болды.

    2020 жылы атқарылатын жұмыстар (жоспар):

    Ақтоған ауылындағы Абай көшесінің жолын орташа жөндеу,  тұрғын үй құрылысына берілетін 60 га. жер теліміне аудан әкімдігінің сәулет, қала құрылысы және құрылыс бөлімі арқылы инфрақұрылым жүргізуге ықпал ету, Нартбаев, Аймат, Ақтікен көшелеріне трансформатор орнату, 15 га. Дендропаркты қоршау, суғару жүйесі мен электр жүйесін жүргізу. «Ауыл – Ел бесігі» бағдарламасы бойынша  Қазақ дихан ауылының 5 көшесінің (Маликасан, Ғ.Мұратбаев, Теміржол, Қарабала және Қарабала көшесінің бұрылысы) жолдарын орташа жөндеу, ауыз суы жүйесін жүргізу. Сонымен қатар, тұрғын үй құрылысына берілетін 40 га. жер теліміне аудан әкімдігінің сәулет, қала құрылысы және құрылыс бөлімі арқылы инфрақұрылым жүргізу үшін жобалау-сметалық құжаттарын әзірлеу жұмыстары жоспарлануда.

     

     

           

     

     

     

     

     

     

     

     

     

     

     

     

     

     

     

     

    Жамбыл ауылдық  округінің әкімі Ербол Байболсыновтың есебі 

     

    Мемлекет басшысының тапсырмасы бойынша өткізілетін барлық деңгейдегі әкімдердің дәстүрлі есептік кездесулері атқарылған жұмыстардың сапалы өлшемі мен жасалып жатқан жобаларды бағалаудың және келешектегі жоспарларды айқындаудың өзіндік белесіне айналды.

    Ауылымыздың 2019 жылғы әлеуметтік-экономикалық дамуын қорытындылайтын болсақ, жалпы, ауыл  бойынша өңірдің әлеуметтік-экономикалық дамуының оң өзгерістері байқалуда, оған экономикалық көрсеткіштер дәлел бола алады.

    Жамбыл ауылдық округі 1972 жылы құрылған, төрт елді мекеннен тұрады. Халық саны – 10271,  2044 түтін бар, оның ішінде: Жамбыл ауылында – 6724 адам, 1306 түтін; Тұрлыбай батыр ауылында  – 625 адам, 100  түтін; Жеміс-жидек ауылында – 2120 адам, 498 түтін; Талдыбұлақ    ауылында  – 802  адам, 140 түтін бар.  Тұрғындар барлығы 13 ұлт өкілдерінен құралған.

    Экономика саласы. «Өңірлерді дамыту-2020» бағдарламасы бойынша, ауылдық округте, жергілікті қоғамдастық мүшелерінің келісімімен Жамбыл ауылындағы орталық Әзімбек Ысмайылов көшесінде жаяу жургіншілерге арналған жол  салынып, үнемделген қаржыға «Жастар қалқанының» қасына «Street workout» алаңшасы орнатылды. Жауғаш батыр және О.Үмбетов көшелеріне ішінара жөндеу жұмыстары, Плодовоягодный ауылы, Достық көшесі қиылысынан Қырғызбаев көшесіне дейінгі, Плодовоягодный  ауылындағы 23-партсьезд көшесінен М.Әуезов көшесінің қиылысына дейін, Жамбыл ауылындағы О.Үмбетов көшесінің бұрылысына орташа жөндеу, Плодовоягодный ауылы, Наурыз көшесіне ағымды жөндеу жұмыстары жүргізіліп, жолдары ретке келтірілді. Орталық Әзімбек Ысмайылов көшесіндегі орналасқан  темір бағаналарға светодиотты өрнектер,  ал, «Кошали» ғимаратының алдындағы балалар алаңшасына кіші архитектуралық форма орнатылды. Жамбыл ауылдық округі әкімінің аппаратының ғимаратының шатырына ағымды жөндеу жүргізілді. Тұрлыбай батыр ауылының тұрғындарына тұрғын үй құрылысын салуға 7 гектар жер нақтыланды. Округте санитарлық тазалықты, жасыл желектерді суғаруды және түнгі жарықтандыру шамдарын күтіп ұстауды  жыл бойына  «Жасыл Меркі» ЖШС-гі жүргізді.

    Білім саласы.Округімізде  4 ЖББМ орналасқан. Олардың материалдық-техникалық базалары талапқа сай жарақтандырылған.Оқу кабинеттерінде интерактивті тақталар орнатылған. Ауылымызда 6 балабақша орналасқан, оның 2-уі мемлекеттік, 4-уі жеке меншікте.

    Ауыл шаруашылығы саласы.Округте 1 ЖШС, 161 шаруа  қожалығы тіркелген, оның 64-і мал шаруашылығымен айналысады.  Ірі қара – 7548 бас, қой-ешкі – 22672 бас, жылқы – 1502 басты құрайды. Үй құстары – 8543. 2019 жылы  «Меркі несие серіктестігі» ЖШС-нен «Сыбаға» бағдарламасы бойынша /4 пайызбен/ бір азамат 28 млн. теңгеге 934 қой алып, «Іскер» бағдарламасы бойынша  / 6 пайызбен /  6 азамат 33 млн. 500 мың теңгеге 95 ірі қара, 200 қой, 19 жылқы алып, «Агробизнес» бағдарламасымен 11 азамат 83 млн. 500 мың теңгеге 137 қой, 181 жылқы сатып алып, жұмыстарын жүргізуде.

    Қызмет көрсету саласындағы құрылымдар. Жас кәсіпкерлерге арналған «Бизнестің жол картасы – 2020» бағдарламасына округтен екі азамат қатысып, Аяулым Әлібекқызы 2 млн. теңге алып, үйінен «Мерке сабын» деп аталатын кір сабын шығарып отыр. Үйінен қолғап шығаруға Арнат Бақтыбайұлы Мұсабек 2 млн. теңге қаражат алып, бүгінгі күні қажетті құрал-саймандарына тапсырыс беріп  отыр.

    Мемлекет тарапынан берілетін 505 мың теңгелік қайтарымсыз грантты ауылдық округтен  48 азамат алып, бүгінгі күнге мал шаруашылығымен – 22, құс шаруашылығымен – 11, сұлулық салонын ашып – 4, көлік жуу –  2, шиномонтаж – 2, көшет өсіру – 1, дәнекерлеу – 1, стоматология – 1, ІТ аутсорстнг – 1, жылыжай – 1,  фастфуд – 1, наубайхана – 1 ашып,  жұмыстарын жүргізуде.

    Әлеуметтік сала. 2019 жылы округ бойынша атаулы  әлеуметтік  көмекке 413 отбасы қайырылып, 1974  адамға 192 160 190 теңге тағайындалып, төленді. Әлеуметтік көмек көрсетуге мұқтаж 34 адам қайырылып,  әр отбасына  бір реттік 30 мың теңгеден берілді.  Жыл басынан бері қоғамдық ақылы жұмысқа 26 адам қатысып, санитарлық тазалау жұмыстарын жүргізді.

    Құқық қорғау саласы. Ауылдық округте 2 учаскелік полиция қызметкері жұмыс істейді. 2019 жылы олар  397 әкімшілік құқық бұзушылық туралы  хаттама толтырған. Ауылдық округ мамандарымен және учаскелік полиция инспекторларымен бірге алдын алу іс-шаралар өткізіліп тұрады.  2018 жылы барлығы  48 қылмыс тіркелген болса, 2019 жылы 25 қылмыс тіркеліп, 48 пайызға төмендеп отыр.

    Мәдени және спорттық іс шаралар. Жамбыл  ауылдық округі әкімі аппараты тарапынан 2019 жылға іс-шара жоспары бекітіліп, олар толығымен өткізілді. Атап айтсақ:  Жамбыл облысының 80 жылдық мерейтойына орай «Жамбылым қандай тамаша» атты мерекелік концерт ұйымдастырылды. 8-наурыз – Халықаралық Әйелдер күніне орай, №18 мектепте мерекелік кеш ұйымдастырылып, жеке кәсіпкер Мақсат Имановтың демеушілік көмегімен,  80 батыр анаға ақ жаулық жауып, гүл шоқтары тапсырылды. 22-наурыз  мейрамына орай,  «Малика» мейрамханасында 200 адамға мерекелік іс-шара ұйымдастырылып, ауыл тұрғындарына арнайы дастархан жайылды. Осындай іс-шаралар Талдыбұлақ және Тұрлыбай батыр ауылдарында да тиісті деңгейде ұйымдастырылып, өткізілді.

    Денсаулық саласы. Округте орналасқан 1 фельдшерлік пункт, 1 стационарлық-дәрігерлік амбулатория ауыл  тұрғындарына қызмет көрсетуде. Былтырғы әкім есебі кезінде көтерілген мәселеге орай,  Талдыбұлақ ауылында жаңа медпункт ғимаратының құрылысы аяқталып, пайдалануға берілді.

    Жамбыл ауылдық округі әкімінің аппаратында  11 мемлекеттік қызметкер және келісім-шарт бойынша 7 қызметкер жұмыс істейді.

    Жыл басынан бері келіп түскен өтініштер саны – 278, соның ішінде, жеке тұлғалардан – 270, заңды тұлғалардан – 8 өтініш түссе, барлығы  уақытында қаралып, қанағаттандырылды.

    Үстіміздегі 2020 жылға жоспарлап отырған жұмыстарға тоқталсақ, «Өңірлерді дамыту – 2020» бағдарламасы аясында орталық Ә.Ысмайылов көшесінің оң жақ бетіне жаяу жүргіншілер жолын салу және ауылдық округтің жолдарын жөндеу бойынша жергілікті қоғамдастық мүшелерінің келісімімен «2019-2021 жылдарға жол жөндеу картасы» әзірленіп, бекітілді. Осы картаға сәйкес, жол жөндеу жұмыстары  және басқа да жұмыстар іске асырылатын болады.

     

            Жамбыл ауылдық округінің әкімі                       Е.Байболсынов

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

    Сарымолдаев ауылдық округінің әкімі

    Сәбит Бәбіжановтың есебі

    Сарымолдаев ауылдық  округі 3 елді мекеннен құрылған. Мұнда халық саны – 13177 адамды құрайды және түрлі ұлт өкілдері тұрады. Округте 60 көше бар, аула саны – 2527 және 24 әр түрлі мекеме орналасқан. Сондай-ақ, 50 сауда-саттық орны, 11 тамақтандыру, 10 көлікке қызмет көрсету, 6 шаштараз, 4 дәріхана жұмыс істейді.  

    2019 жылға ауылдық округке 222,0 млн. теңге қаражат бөлінген. Оның ішінде, ауылдық округ әкімдігінің қызметін қамтамасыз ету қызметіне – 40,0 млн. теңге, ал, мектепке дейінгі тәрбие мен оқытуға – екі балабақшаға 136,7 млн. теңге, елді мекендердің көшелерін жарықтандыруға – 7,3 млн. теңге, санитарлық тазалықты қамтамасыз етуге – 1,73 млн. теңге, елді мекендерді абаттандыру және көгалдандыруға – 3,1 млн. теңге, елді мекендерді сумен қамтамасыз етуге – 587,0 мың теңге, ауылдық округ әкімдігінің күрделі шығыстарына – 1,7 млн. теңге, «Өңірлерді дамыту» бағдарламасына – 10,8 млн. теңге, автомобиль жолдарын жөндеуге – 20,1 млн. теңге қаржы бөлінді.

    Есепті кезеңде округ бойынша 35,5 млн.теңге салық жиналды, оның ішінде: мүлік салығы жоспары –  955,0 мың теңге болса, орындалғаны 1214,8 мың  теңге немесе 127,2%. Жер салығы жоспары – 1000,0 мың теңге болса, орындалғаны – 1358,4 мың теңге немесе 135,8%. Жеке тұлғалардың көлік салығы жоспары – 15500,0 мың теңге, орындалғаны –15926,7 мың теңге, немесе 102,8%. Заңды тұлғалардың көлік салығы жоспары – 1900,0 мың теңге, орындалғаны – 2081,7 мың теңге, немесе 109,6%. Жеке табыс салығы жоспары – 14280,0 мың теңге, орындалғаны – 14947,3 мың теңге, немесе 104,7%.

    Өнеркәсіп, кәсіпкерлік, туризм. Өнеркәсіп және кәсіпкерлік салаларында «Саба ЛТД», «Меркі Дорстрой Сервис», «Меркі – Жолаушы», «Жылыбұлақ– Меркі»  ЖШС-тері жұмыс істеуде. Бұл ұйымдар аудан халқын жұмыспен қамтып, бюджетке көп салық төлеп, округтің дамуына үлестерін қосып келеді.

    Ауыл шаруашылығы саласы. Аумақта барлығы 109 жеке шаруа қожалығы мен «Жылыбұлақ – Меркі» ЖШС-гі тіркелген. 2019 жылдың қыс маусымына жетерлік мал азығы даярланды. Округтегі 109 шаруа қожалығының 26-сы мал өсірумен, қалғандары егіспен және мал азығын өндірумен шұғылданады. Мысалы, өткен жылы округ бойынша 2610 га жерге бидай себіліп, одан  4933 тонна, яғни, 18,9 центнер, 2200 га арпадан – 5060 тонна өнім жиналды. Мал санына тоқталсақ, мүйізді ірі қара – 5997, қой-ешкі – 42045, жылқы – 1745, түйе – 60, құс – 7744 бас, ара ұясы – 261. Нақты және лизинг шарты бойынша алынған ауыл шаруашылығы техникалар саны – 11, құны – 67,9 млн. теңге. Техникаларды есептен шығару саны  жоспары – 38, орындалғаны – 40, немесе, 105,2%. Округ аумағында оба, аусыл және  т.б мал ауруларының алдын алу мақсатында профилактикалық жұмыстар жүргізіліп, мемлекет тарапынан бөлінген вакциналар толығымен егілді. Сүт бағытында құрылған «Ерхан Дильназ-2017» кооперативінде 235 мүше тіркелген. Сауылатын сиыр саны – 638. Бір  күнде өнім көлемі 1,5 тоннаға жетуде. Ет бағыты бойынша құрылған «Ақтоған-2017» кооперативінде 35 мүше тіркелген. Бұқашықтар саны – 315.

    Құрылыс (тұрғын үй құрылысы), ауыз су жүйесі, газдандыру, жол мәселелері. Округ аумағында тұрғын үй құрылысын жүргізуге 31 га жер телімі анықталған. Инфрақұрылымын (электр желісі, тас жол салу, ауыз су жүйесі) жүргізу үшін 2019 жылы жобалау-сметалық құжаттамасы әзірленді. Құрылысы 2020-2021 жылдарға жоспарланып отыр.

    «Ақ бұлақ» бағдарламасы бойынша 2018-2020 жылдары Сарымолдаев ауылының ауыз су жүйесіне – 1,4 млрд. теңге қаржы бөлінді. Оның ішінде, 2019 жылға – 444,4 млн. теңге қарастырылған. Қазіргі таңда мердігер «KAZ INTEL GRОUP» ЖШС-гі жұмыс кестесіне сәйкес, құрылыс жұмыстарын жүргізуде. Ауыз су жүйесін іске қосу мерзімі –  2020 жылдың қараша айы.

    Сарымолдаев ауылындағы  Садовыйдың 3 бұрылысына, Қ.Серікбаев, Б.Байғанаев көшелеріне, Ращупкин, Орловка, П.Толстов жаңа көшелеріне құм шағал тас төсеуге – 30,5 млн. теңге, ал, Ойтал ауылындағы Б.Қырғызбаев көшесінің 1,2 км жолына орташа жұмыстарын жүргізуге – 21,3 млн. теңге қаржы бөлініп, көшелердің жұмыстары аяқталды. Аудандық маңызы бар «Ойтал-Мыханды-Қызыл Қыстақ» автожолына (Ойтал ауылына баратын жол) орташа жөндеу жұмыстары жүргізілді.

    «Өңірлерді дамыту» бағдарламасы.Сарымолдаев ауылындағы орталық Ә.Ысмайылов көшесінің бойына («Алкопищепром» зауытының маңы) жаяу жүргіншілер жолын салуға және көгалдандыруға, абаттандыруға 7,3 млн. теңге бөлініп, жұмыстары толық аяқталды.

    Мемлекеттік және аумақтық бағдарламалардың орындалуы. Округтегі Омарходжаев көшесінің бойына, яғни, №9 Меркі колледжінің қарама-қарсы бетіне «Street Workaut» алаңшасы салынды. Орталық Ә.Ысмайылов пен Т.Рысқұлов көшелерінің және Екпінді ауылының орталық көшесінің бойларына 150 дана арша және 30 дана қарағай отырғызылды.

    Білім саласы. Аумақта №1,9,12,22 жалпы білім беру мектептері, №9 Меркі колледжі, «Өркен» балалар шығармашылығын дамыту мен мүгедек балаларды оңалту және бейімдеу орталықтары және «Таңшолпан», «Нұршуақ» балабақшалары орналасқан. Аталған мекемелердің материалдық- техникалық базалары талапқа сай жабдықталған.

    Денсаулық сақтау саласы. Округте «Сарымолдаев» дәрігерлік емханасы мен Ойтал, Екпінді ауылдарында дәрігерлік пунктер жұмыс істеп тұр.  Аталған мекемелердің де материалдық техникалық базалары жақсы.

    Жұмыспен қамту және әлеуметтік бағдарламалар. «Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған «Еңбек» мемлекеттік бағдарламасының І бағыты бойынша 2018 жылы қысқа мерзімді кәсіптік оқуға, орталық арқылы жолдамамен 48 тұрғын жолданып, оның 47-і курсты толық аяқтады, ал 1-і денсаулығына байланысты оқудан шыққан. Оқуды аяқтағандардың 40-ы тұрақты жұмысқа орналасып, 83,3%  құрады. Есепті жылы,  қысқа мерзімді кәсіптік оқуға 45 адамды оқыту жоспарланса, 40 адам оқуларын аяқтады. Оның 38-і тұрақты жұмысқа орналасып, 95,0% құрады. ІІ бағыт: «Бастау-бизнес оқуы»  бойынша 2019 жылы 89 адам жіберіліп, 37 адам оқуларын аяқтап, шағын несие алды. 37 адамға – 129,5 млн.теңге шағын несие берілді.

    2019 жылы мемлекеттік қайтарымсыз грантқа 26 адам ие болып, 13,1 млн. теңге берілді. 200 айлық есептік көрсеткішпен бүгінгі күнде 29 жасқа дейінгі 21 жас – 10,6 млн.теңге, көп балалы 5 отбасы – 2,5 млн. теңге алып, өз кәсіптерін ашты. Барлығы 26 адамның 10 мал шаруашылығы, 7 құс шаруашылығы, 4 сұлулық салоны, 2 наубайханасы, 1 тігін, 1 кондитер өнімдері, 1 сүт өнімдері цехтары бар. ІІІ бағыт, яғни, халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту бойынша, жастар тәжірибесіне, орталық арқылы жолдамамен 15 жас аудандағы мекемелерге жіберілді. Оның ішінде барлығы тұрақты жұмысқа орналасқан. Ақылы қоғамдық жұмысқа 41 адам жолдама арқылы қабылданды, оның 12-сі жұмыстан өз еріктерімен босатылып, тұрақты жұмысқа орналасты.

    2020 жылы атқарылатын жұмыстарға тоқталсақ,  ауылдық округке бөлінетін қаржы жоспары – 211,2 млн. теңге. Оның ішінде, ауылдық округ әкімдігінің қызметін қамтамасыз ету қызметіне – 36,8 млн. теңге, ал мектепке дейінгі тәрбие мен оқытуға, 2 балабақшаға – 139,5 млн. теңге, елді мекендердің көшелерін жарықтандыруға – 6,0 млн. теңге, санитарияны қамтамасыз етуге – 2,5  млн. теңге, абаттандыру және көгалдандыруға – 1,9 млн. теңге, сумен қамтамасыз етуге – 620,0 мың теңге, ауылдық округ әкімдігінің күрделі шығыстарына – 2,1 млн. теңге, «Өңірлерді дамыту» бағдарламасына – 10,8 млн. теңге, автомобиль жолдарын күрделі немесе орташа жөндеуге – 11,0 млн. теңге жоспарланған. Сондай-ақ, «Ауыл – ел бесігі» бағдарламасына сәйкес, Ойтал ауылындағы №12 ЖББМ-ді күрделі жөндеу жоспарлануда. Жобаның жалпы құны –  267,0 млн.теңге. Қосымша «Ауыл – ел бесігі» бағдарламасына орай, 2020 жылға,  Ойтал, Екпінді ауылдары (спутникті елді мекендер) тізіміне енгізілді. Осыған байланысты әзірленген барлық жобалар, яғни, көше жолдарын орташа жөндеу, балалардың ойын және кіші футбол алаңшалары салу, ауыз су жүйесі, жарықтандыру жобалары енгізілді.

     

    Сарымолдаев ауылдық

    округінің әкісі                                                          С.Бәбіжанов

     

     

     

     

     

     

     

     

     

     

     

     

     

     

     

    Кеңес ауылдық округінің әкімі

    Есберген  Жапарқұловтың  ЕСЕБІ

    Кеңес ауылдық округі  1998 жылы құрылған. 2 елді мекеннен тұрады. Халық саны – 2305 адам, 10 көшеде  411 түтін бар, оның ішінде, Кеңес ауылында  388 түтін, 2193 адам. Жауғаш батыр ауылында 23 түтін, 112 адам. Тұрғындар 4 ұлт өкілдерінен құралған. Оның 99%-ы  қазақтар. Округ бойынша 5 мекеме орналасқан.

    Өнеркәсіп, кәсіпкерлік, туризм саласы бойынша: Өнеркәсіп саласында «Smart Agro Karkara» жауапкершілігі шектеулі серіктестігі жұмыс істеуде. «Smart Agro Karkara» жауапкершілігі шектеулі серіктестігі ауыл тұрғындарын жұмыспен қамтып, жаңа технологияларды және минералды тыңайтқыштарды пайдалана отырып,  ауылшаруашылығы саласының дамуына өз үлесін қосып келеді.

    Ауылшаруашылығы саласы бойынша: Ауылдық округ аумағында 130 жеке шаруа қожалығы тіркелген. 2019 жылдың қыс маусымына жетерлік мал азығы даярланған. Ауылдық округ аумағындағы шаруа қожалықтар мал өсірумен, егін шаруашылығымен шұғылданады. 2019 жылы шаруа қожалықтары және «Smart Agro Karkara» жауапкершілігі шектеулі серіктестігі 3100 га. жерге бидай егіп, 5200 тонна өнім алды.  3800 га. жерге арпа егіп, 6460 тонна өнім алды. Ауылдық округке қарасты «Шәйкөз» шаруа қожалығы және «Smart Agro Karkara» жауапкершілігі шектеулі серіктестігі 240 га. жерге қант қызылшасын егіп, 4000 тонна өнім алды. Ауылдық округ аумағында мал ауруларының алдын алу үшін  профилактикалық жұмыстар  жүргізіліп, мемлекет тарапынан берілген вакциналар толығымен егілді.

    Құрылыс (тұрғын үй құрылысы) ауыз су жүйесі, газдандыру, жол мәселесі бойынша: Биылғы жылы ауылдық округке аудандық бюджеттен 6,399 млн. теңге бөлініп, Абай көшесінің аяқ жағындағы 2 км дренаж коллектор тазаланып, ауылдың күншығыс беткейінде орналасқан көпірлер жөнделіп, ретке келтірілді. Ауылдың 99 пайызы қазіргі таңда көгілдір отынмен қамтамасыз етілген.

    Қазақстан Республикасының Тұңғыш Президенті Н.Ә.Назарбаевтың «Болашаққа бағдар: рухани жаңғыру» атты бағдарламасы аясында  тұрғындар мен мекемелер арасында насихаттау жұмыстары жүргізілді.

    Мемлекеттік және аумақтық бағдарламалардың орындалуы бойынша: 2019 жылғы «Өңірлерді дамыту – 2020» бағдарламасы бойынша 2363,0 млн. теңге  қаражат бөлініп, ауылымыздың кіре берісіне ауылдың аты жазылған арка орнатылды. Елді мекендерді абаттандыру, көгалдандыру  үшін бөлінген 500 мың теңге қаражатқа ауылдың округтегі тал-тарақтар және бағаналар сырланып, әктелінді. Орталық саябақтағы қураған ағаштардың орнына жаңа көшеттер отырғызылды.

    Білім саласы бойынша: Округ аумағында  №6 жалпы білім беретін мектеп орналасқан. Қазіргі таңда мектепте   54  мұғалім қызмет атқарып, 456 оқушы білім алуда. Мектеп толықтай материалдық-техникалық базамен жабдықталған. Компьютер, мультимедия сыныптары жұмыс істеуде. Мектеп оқушылары үшін  спорттық үйірмелер мен музыка сабағынан үйірмелер ұйымдастырылып, оқушылар қатысуда.

    Мәдениет саласы бойынша: Округ аумағында 1 мәдениет үйі және кітапхана бар. Мәдениет үйінде әртүрлі мерекелік іс-шаралар ұйымдастырылып тұрады. Онда 4 қызметкер жұмыс атқарады. Кітапханада 1 жұмысшы қызмет  атқарады. Кітапханада 9800 кітап қоры бар. Ауыл тұрғындары өздеріне керекті кітаптарды алып оқып, рухани азық алуда.

    Денсаулық саласы бойынша:  Ауылдық округ аумағында дәрігерлік нысандар жұмыс істеп, халыққа сапалы дәрігерлік көмек көрсетілуде. Қазіргі таңда 11 қызметкер жұмыс атқаруда.

    Спорт саласы бойынша: Округ аумағында ауыл тұрғындарының спортпен шұғылдануы үшін арнайы үлкен футбол алаңы және кіші алаң орналасқан. Ауыл балалары спортпен шұғылдануы үшін Байдәулет көшесінің бойына  биыл «Стирт воркаунд» алаңшасы орнатылды. Ауылдық округ әкімшілігінің ұйымдастыруымен футболдан жарыс өткізіліп, көрші  ауылдардан келіп қатысып, жеңіске жеткен командалар ақшалай сыйлықпен марапатталды.

    Жастар мәселесі бойынша: Кеңес ауылдық округі бойынша 524 жас тіркелген. Оның ішінде, еріктілер 10 адам. Ауыл жастары ауылдық округтегі қарттарға, мүмкіндігі шектеулі жандарға көмектер көрсетіп тұрады. Ауылымыздың талантты жастары көптеген жетістіктерге жетіп, Абай өлеңдерін жатқа айтудан облыстық байқауда 1-орынды иеленсе, ал Республика бойынша өткен байқауда білімділіктерімен танылып, 3-орынды жеңіп алды. Қазақ күресінен өткен облыстық «Жас барыс» жарысында 1-орынды, республика бойынша өткен жарыста  3-орынды жеңіп алып, ауылымыздың абыройын асқақтатып, жастарға үлгі-өнеге болуда.

    Құқық қорғау саласы бойынша: Кеңес ауылдық округі әкімі аппаратында сыбайлас жемқорлыққа қарсы күрестің 2019 жылға арналған  іс-шаралар жоспары бекітіліп, құқық бұзушылыққа жол бермеу үшін жұмыстар атқарылуда. Әкімшілік қызметкерлері арасында құқық бұзушылық бойынша фактілер орын алған жоқ. Ауылдық округте 1 учаскелік пункт орналасқан. 1 учаскелік инспектор жұмыс атқарады. Ауыл тұрғындары арасында құқық бұзушылықтың, қылмыстың алдын алу үшін жұмыстар жүргізілуде.

    Қазақстан Республикасының «Әскери міндеттілік және әскери қызмет туралы» Заңының 19-бабына сәйкес, 2019 жылғы көктемгі және күзгі әскери шақырулар ұйымдастырылып, округтен 14 азамат Қазақстан Республикасының Қарулы күштері қатарына әскери борышын өтеуге жіберілді.

    Санитарлық тазалық бойынша: Округ аумағында санитарлық тазалау жұмыстарын жүргізу үшін  қоқыстарды тазалау жұмыстары жүргізілуде. Санитарлық тазалықты қамтамасыз ету бойынша көктемгі және күзгі екі айлық кезінде округ аумағындағы шаруашылық ұйымдар, мекемелер, аудан әкімдігінің бөлімдері түгел қамтылып, тиісті жұмыстар атқарылды.

    Арыз-шағымдардың орындалуы бойынша: 2019 жылы  ауылдық округ әкімінің аппаратына жеке тұлғалардан 81  өтініш түскен. Оның 72-сі  жазбаша,  9-ы ауызша ауыл әкімінің  жеке қабылдауында болды. Келіп түскен өтініштер жерге қатысты  мәселелер. Атап айтқанда, жерді заңдастыру, жерді жеке меншікке алу,  қайта рәсімдеу, әлеуметтік көмек туралы мәселелермен қайырылған.

    2020 жылы атқарылатын жұмыстар (жоспар):

    «Өңірлерді дамыту» бағдарламасы бойынша 2,363 млн.теңгеге ауылдық округтегі орталық саябақтың ішіне жөндеу жұмыстары жүргізіледі.

    Ауылдық округтегі Жамбыл, Үкібасов, Құлманбаба көшелерінің құжаттары дайындалып, аудан әкімдігінің тұрғын үй, коммуналдық шаруашылық бөліміне ұсынылады. Қаражат бөлінген жағдайда қатты жабынды жолмен қамтамасыз ету жұмыстары жүргізіледі.

    Еліміздің әлеуметтік-экономикалық жағдайын нығайту жолында сіздер мен біздердің істеп жатқан шаруамыздың барлығы ауылымыздың  әл-ауқатын арттыру үшін, халықтың тұрмыс жағдайын жақсарту үшін жалғасуда. Осы жолда бәріміз еліміздің ынтымақ-бірлігін сақтай отырып, алдағы мақсаттарға жетуге еңбек етеміз деп сендіремін.

     

     

     

     

     

     

     

     

     

     

     

     

     

     

     

     

     

     

     

     

     

     

    Аспара  ауылдық  округінің әкімі

    Гауһар  Оспанбекованыңесебі

    Аспара ауылдық округі  үш елді мекеннен тұрады. Ондағы 6 түрлі ұлт өкілінен тұратын халық саны 1716 адам, олар  барлығы 312 түтінді құрайды.

    Ауыл шаруашылық саласы:  Округ аумағында барлығы 37 жеке шаруа қожалығы мен 1 өндірістік кооперативі тіркелген.  Олар  мал өсірумен қатар,   егін шарушылығымен де айналысады. 2019 жылы шаруа қожалықтары 4881 га. жерге бидай сеуіп,  одан 7809,6 тонна өнім алса,  4127 га. жерге себілген арпадан 8254,0 тонна  өнім  жинады.

    Құрылыс (тұрғын үй құрылысы), ауыз су жүйесі, газдандыру, жол мәселесі бойынша:

    Ағымдағы жылы, округ аумағында,  «Күміс төбе» ЖШС-гі арасындағы келісім-шарт арқылы 43 үй көгілдір отынмен қамтамасыз етілді.

    Округте «Өңірлерді дамыту»  бағдарламасы аясында 1508000 теңге қаржы бөлініп, жалпы ұзындығы 800 метрді құрайтын Н.Рақыш көшесіне   қиыршық тас  төселінді. Үнемделген қаржыға ескерткіш алаңына түнгі жарықтандыру шамдары орнатылды.

    Білім саласы бойынша. №2 Аспара ЖББМ-дегі  мұғалімдердің жалпы саны 44, оның ішінде, жоғары білімдісі 40, орта білімді  4 ұстаз бар. Барлық оқушылар саны 268, даярлық сыныбында 26. 2019 жылғы ҰБТ-ға қатысқан оқушылар саны 8 болып, орташа балл  83 пайызды құрап, 6 оқушы грант иеленді.

    Мәдениет саласы. 2019 жылы ауылдық клубта барлығы  71  іс-шара өткізілді. Оның ішінде, ҚР-ның Тұңғыш Президенті, Елбасы Н.Назарбаевтың халыққа арнаған «Болашаққа бағдар: рухани жаңғыру» атты мақаласы аясында 8 іс-шара өткізілді.

    Денсаулық сақтау саласы. медициналық қызметкерлер  саны 4 болса, техникалық қызметкерлер 3. Округ тұрғындарына 7 штаттық бірліктен тұратын стационарлық дәрігерлік амбулатория қызмет көрсетеді. Науқастар сапалы медициналық қызметпен және тиісті дәрі-дәрмекпен уақытылы қамтылып отыр.

    Спорт саласы.  Аспара ауылдық округінде өткізілген іс-шаралар: қазақ күресі – 1, ұлттық ойындар – 2, үлкен футбол – 2, үстел теннисі – 1, волейбол – 2, эстафеталық ойындар – 1. Аспара ауылдық округінде жастарға арнайы «Стрит воркаут» алаңшасы тұрғызылып, қазіргі таңда қолданысқа берілді.

    Жастар мәселелері. Аспара ауылдық округі бойынша 264 жас азаматтар тіркелген.  Соның ішінде, 10 жас еріктілер есебінде, яғни, қоғамдық іс-шараларды атқарушы жастар ретінде тіркелген. Олар  ауыл қарттарына, мүмкіндігі шектеулі жандарға, көп балалы аналарға, жалғызбасты жандарға үй шаруасына көмек көрсетіп келеді.

    Округіміздегі жастардың жетістіктері: Аудан бойынша «Әзіл әлемі» аудандық байқауында І орынды иеленсек, «Жазамын жүрегіммен» атты Абай шығармалары байқауында да І орынға қол жеткіздік. Аудандық қолөнер  шеберлері байқауында ІІІ орынды жеңіп алдық. Аудандық «Қарттар күні» бойынша аспаралықтар І орын биігінен көрінді. Аудандық «Қызық екен» бағдарламасы бойынша да І орынды  иелендік.

    Құқық қорғау саласы бойынша:

    Аспара ауылдық округінде  абаттандыру қағидаларын бұзғаны үшін ӘҚБК-нің 505-бабының 1-тармағы бойынша жеке тұлғаға 25 250 тг. көлемінде айыппұл салынды.

    Қазақстан Республикасының «Әскери міндеттілік және әскери қызмет туралы» Заңының 19-бабына сәйкес, 2019 жылғы көктемгі  және күзгі әскерге шақыру науқанында округтен 10 азамат еліміздің Қарулы күштері қатарына  жіберілді.

    Санитарлық тазалық.

    Округ аумағында санитарлық-тазалық жұмыстарын жүргізу үшін 700 мың теңге бөлініп, ол толығымен игерілді. Абаттандыру және көгалдандыру маусымдары кезеңінде   округ     аумағындағы    мекемелер   маңына 72 түп Қырым  шыршасы,  300 түп раушан гүлі және 32 түп хризантема гүлдері отырғызылды. «Жасыл белдеу» бағдарламасы аясында  0,04 га. жерге 200 түп  қарағаш көшеттері отырғызылды.

    2020 жылға жоспар: Ауылдық округтің жергілікті қоғамдастық мүшелерінің келісімімен,  Қайыңдысай ауылындағы Аққайнар көшесінің 832 метр жолына, 225 метрді құрайтын Аспара көшесінің жолына  жобалық-сметалық құжаттары дайындалып, орташа жөндеу жұмыстарын жүргізу шарт. Құмарық ауылындағы С.Рысбаев көшесі мен Қайыңдысай ауылындағы Н.Рақыш көшесіне  түнгі жарықтандыру жұмыстарын жүргізу керек. Қайыңдысай ауылындағы Шұғыла көшесіне   шағын балалар ойын алаңын салу  жұмыстарын   жоспарлап отырмыз.

     

     

     

     

     

     

     

     

     

     

     

     

     

     

     

     

     

     

     

     

     

     

    Ақермен ауылдық округінің әкімі 

    Ғани Байдәулетовтың ЕСЕБІ

     

    Ақермен ауылдық округі бойынша халық саны 2412 адам. Округте  441 аула санын құрайтын 17 көше бар. Округ аумағындағы  әр түрлі мекемелердің саны – 8.

    Ауыл шаруашылық саласы:  Округ аумағында асыл тұқымды «Оңтүстік қазақ мериносы» қойын өсірумен айланысатын «Меркі асыл  тұқымды  зауыты» АҚ-ы және 3 шаруа қожалығы  жұмыс істейді. Оның  ішінде,  егін  шаруашылығымен  2,  қалғаны   мал өсірумен айналысады. Қазіргі таңда «Меркі асыл тұқымды зауыты» АҚ-да 16 513 бас қой, 615 бас жылқы малы бар. 2019  жылы аталған қоғамда егіс көлемі 6 564 гектарды құрады. Оның ішінде, бидай 4 900 га, арпа 1 664 га. Жалпы түсім гектарына 7,8  центнерді құрады. Биылғы жылға 3 505 гектар жерге күздік бидай егілді, 2 000 гектар жаздық арпа егу жоспарлануда.

    «Серікхан-ДС» ш/қ өз иелігінде 107 мүйізді ірі-қара, 900 қой, 72 жылқы өсіруде. Ауыл тұрғындарының меншігінде қазіргі уақытта 1 870 бас мүйізді ірі қара, 15 483 бас қой-ешкі және 678 бас жылқы малы, 3 934 құс бар.

    Құрылыс (тұрғын үй құрылысы), ауыз су жүйесі, газдандыру, жол мәселесі бойынша:  Ақермен, Кентай және Алтын арық ауылдарындағы 428 үйдің 260-на көгілдір отын кіргізілді. Қазіргі уақытта басқа да үйлерге газ кіргізу жұмыстары жалғасын табуда. Ақермен ауылының тұрғындары таза ауыз сумен толық қамтылып отыр.

    ҚР Тұңғыш Президенті, Елбасы Н.Назарбаевтың «Болашаққа бағдар: рухани жаңғыру» бағдарламалық мақаласы аясындағы насихаттық-үгіттік жұмыстар  округ тұрғындары арасында бекітілген іс-шараға сәйкес жүргізілуде.

    Мемлекеттік және аумақтық бағдарламалардың орындалуы бойынша:

    2019 жылы «Өңірлерді дамыту – 2020» бағдарламасы бойынша демеушілердің тарапынан қаражат бөлініп, О.Тоғысов атындағы спорт алаңына «Street Workaut» алаңшасы салынды.

    Білім саласы бойынша: Ә.Хасенов атындағы №11 ЖББМ-де 64 мұғалім жұмыс істейді, олардың 53-і жоғары білімді, мектепте 371 оқушы білім алуда, даярлық тобында 47 оқушы оқиды;

    Алтын арық бастауыш мектебінде 6 мұғалім, оның 5-уі жоғары, 1-і арнаулы орта білімді, 41 оқушы білім алуда;

    Ақкөз қайнар ауылында  2 жоғары білімді мұғалім, 10 оқушы білім алуда.

    Аудандық полиция бөлімінің жасөспірімдер бойынша инспекциясына біздің округ бойынша тіркелген жайсыз мектеп оқушылары жоқ.

    Мәдениет саласында: Округ аумағында 1 кітапхана орналасқан. Кітапханада 1 қызметші жұмыс істейді, кітапхана қорында 9100 кітап бар.

    Денсаулық сақтау саласы: Округте 1 дәрігерлік амбулатория, 2 медициналық пункт орналасқан, 9 қызметкер жұмыс істейді.

    Спорт саласы бойынша: Округ аумағында бүгінгі күні үстел теннисі және волейбол сынды спорт түрлерінен жасөспірімдер және ересек азаматтар өз даярлықтарын шыңдауда. 2019 жылы ҚР Тұңғыш  Президенті күні және ҚР Тәуелсіздігі күні мерекесіне орай, үстел теннисі, волейбол мен футболдан жарыстар өткізілді.

    Жастар мәселесі бойынша: Ақермен ауылдық округінде 14-29 жас аралығындағы 550 азамат тіркелген. Оның ішінде, 10 жас азаматымыз волонтер есебінде. Ақермен ауылдық округінде үкіметіміз бөлген гранттық шағын несиеге (505 000 тг.) қол жеткізу мәселелері  бойынша ауыл  тұрғындарымен кездесулер өткізіліп, 3 үміткер аталған грант қаржысын алып, кәсібін жалғастыруда.

    Құқық қорғау саласы: Ақермен ауылдық округі әкімі аппаратында сыбайлас жемқорлыққа қарсы күрестің өткен 2019 жылға арналған іс-шаралар жоспары дайындалып, барлығы 11 жиналыс өткізілді. Құқық бұзушылыққа жол бермеу үшін барлық мүмкіндіктерді пайдаланып,  сәйкесінше жұмыстар жүргізілді.  Округ аумағындағы учаскелік пунктте  1 полиция қызметкері жұмыс атқарады.

    Қазақстан Республикасының «Әскери міндеттілік және әскери қызмет туралы» Заңының 19-бабына сәйкес, 2019 жылғы көктемгі және күзгі әскери шақырулар ұйымдастырылып, округтен 10 азамат еліміздің Қарулы күштері қатарына әскери борышын өтеуге жіберілді.

    Санитарлық тазалық бойынша: Округ аумағындағы санитариялық жұмыстарды жүргізу үшін 250,0 мың теңге бөлініп, қаржы толығымен игерілді.

    Арыз-шағымдардың орындалуы: 2019 жылы ауылдық округ әкімінің аппаратына барлығы 24 жазбаша және ауызша өтініш түскен. Ауыл әкімінің жеке қабылдауына әр түрлі мәселемен 4 адам қабылданды.

    2020 жылы атқарылатын жоспарлы жұмыстар: «Өңірлерді дамыту – 2020» бағдарламасы бойынша 2161,0 мың теңге қаржыға округтегі О.Келдеубаев, Н.Нілдібаев, Б.Момышұлы, А.Әспетов, Ә.Мұхамеджанов, Т.Рысқұлов көшелеріне ағымды жөндеу жұмыстары жүргізілді.

    Кентай ауылындағы жалпы ұзындығы 1200 метр болатын жол бойын жарықтандыру жоспарланған, техникалық шарт алынып, СЖҚ-ы әзірленген.

    Еліміздің әлеуметтік-экономикалық жағдайы мен ауыл тұрғындарының әл-ауқатын арттыру мақсатындағы жұмыстар одан әрі өз жалғасын таба бермек.

     

     

     

     

     

     

     

     

     

     

    Жаңатоған  ауылдық  округінің  әкімі 

    Мерей  Рамадановтың  ЕСЕБі

     

    Жаңатоған ауылдық округі 3 елді мекеннен тұрады (Қостоған, Мыңқазан, Қызылсай). Халық саны – 3936 адам. Халықтың ұлттық құрамы  – 11. Округ бойынша  12   көшеде 625 аула, 14 әртүрлі мекеме орналасқан. Ауылдық округ аумағындағы көшелердің аншлагтары мен көрсеткіштер атаулары 100% жаңартылып, орнатылған.

    Жер қатынастары саласы бойынша округте жалпы егістік жердің көлемі 6868 га, оның ішінде, суармалы жер 2400 га, тәлімді егістік 4468 га.

    Ауыл шаруашылығы саласы.  2019 жылы 3741 гектар дәнді масақты дақылдар ораққа түсіп, жалпы көлемі 8 мың 692,9 тонна астық қамбаға құйылып, орташа гектар қайтарымы 18,0 центнерді құрады (Күздік  бидай 1229 га,  арпа 2320 га, дәндік жүгері 192 га, қант қызылшасы 177 га, жаңа жоңышқа 382 га, ескі жоңышқа 2345 га, картоп 82 га, көкөніс 101 га егілді). 2019 жылы қант қызылшасынан гектар қайтарымы 400 центнерден болып, 7080,0 тонна өнім алынды (2018 жылы 2931,4 тонна). Қант қызылшасына берілген субсидия 100% төленді.

    2019 жылы 111,6 млн. теңгені құрайтын 12 дана жаңа ауыл шаруашылығы техникалары сатып алынды (2018 жылы 4 дана).

    Үкімет тарапынан берілетін кепілдендірілген бағамен жанар- жағармай ауыл шаруашылық тауар өндірушілеріне егістік жер көлеміне сай таратылып берілді. Округ бойынша  есепті жылы  жалпы көлемі 84,0  тонна минералдық тыңайтқыштар алынып, 650 га жерге енгізілсе, 2018 жылы 31,05 тн минералдық тыңайтқыш алынып, 340,0 га жерге енгізілген (өткен жылмен салыстырғанда 52,95 тонна артық).

    Ауылдық округте бүгінгі таңда 0,0500 га алқапта фермерлік үлгідегі бір жылыжай шаруашылығы жұмыс жүргізуде.

    Мал шаруашылығы саласы. 2020 жылдың 1-қаңтарына мүйізді ірі қара 2 мың 800 бас, қой-ешкі  9 мың 300 бас, жылқы 590 бас, құс 3 мың 900 басты құрады. Қой етін  экспорттау бойынша 3,0 тонна жоспарланып, 4,2 тонна ет «Меркі ет» комбинатына өткізілді.

    Ветеринарлық іс-шаралар. Округте 8 мал дәрігері тұрғындарға қызмет етеді. Мемлекет тарапынан бөлінген биологиялық препараттар, аса қауіпті ауруларға қарсы жүргізілген егу жұмыстары 2019 жылдың қорытындысына сәйкес, 100%-ға орындалды. Округ көлемінде  аса қауіпті аурулар тіркелген жоқ. Сарып ауруына қарсы  жоспарға сәйкес есепті жылы 15387 бас ұсақ малдан қан алынып, бруцеллез ауруына оң нәтиже берген  3  басы  арнайы өңдеу цехына сойылуға жіберілді. 3285 бас мүйізді ірі қарадан қан алынып,  оң  нәтиже берген  4 басы арнайы мал сою пунктінде сойылып, өңдеуге жіберілді. Мал иелеріне өтемақы толығымен төленді.

    Кәсіпкерлік саласы. Округ көлемінде 173 жеке шаруа қожалық егін және мал шаруашылығымен айналысады. Сонымен қатар, 6 шағын орта кәсіпкерлік нысаны бар. Биылғы жылы 29 жасқа дейінгі мүмкіндігі шектеулі 2 азамат 3,0 млн. теңге көлемінде мемлекеттен қайтарымсыз грант жеңіп алып, бүгінгі күні өз кәсіптерін жүзеге асыруда. Сондай-ақ, 505,0 мың теңге көлеміндегі қайтарымсыз грантты 6 азамат жеңіп алып, тиісті жұмыстарын жүргізуде.

    2019 жылы ауылдық округтен 2 азамат жеңілдетілген пайызбен несие алып, мал шаруашылығымен айналысуда.

    Құрылыс, тұрғын үй құрылысы, ауыз су жүйесі, газдандыру, жол мәселелері. Жеке тұрғын үй салуға жер телімін алу үшін 47 адам кезекке тіркелген. 2019 жылы 5 адамға  0,1500 га жерден берілді. Округ аумағындағы үш елді мекен 99,9% табиғи газға қосылған. 2019 жылы Қызыл сай ауылындағы З.Мұстафаева көшесі күрделі жөндеуден өтті. Мыңқазан ауылына 10 келушіге арналған фельдшерлік акушерлік пункт құрылысы жүргізіліп, пайдалануға берілді. Сонымен қатар, Қостоған ауылдық мәдениет үйінің жылу қазандығы табиғи газға қосылды. Қостоған ауылына ауыз су жүйесін жүргізу бойынша жобалау-сметалық құжаттары әзірленген. Бүгінгі күнге сараптамадан өтуде. Сараптаманың оң қорытындысы алынғаннан кейін қаржыландыруға ұсынылатын болады.

    «Болашаққа бағдар: рухани жаңғыру» бағдарламасы аясында округтегі жалпы білім беру ұйымдарында, ауылдық мәдениет үйлерінде, кітапханаларда көптеген іс-шаралар аталып өтті. Ауылдың 1987 жылы туылған түлектерінің демеушілігімен 1-наурыз – Алғыс айту, 8-наурыз – Халықаралық әйелдер мерекесіне орай мерекелік іс-шаралар ұйымдастырылып, ауылдағы әже-аналарымызға сый-құрмет көрсетілді. 22-наурыз мерекесі, 1-мамыр Қазақстан халқының бірлігі, 9-мамыр – Жеңіс күні, 30-тамыз – ҚР Конституциясы, 1-қыркүйек – Білім күні, 1 желтоқсан – ҚР-ның Тұңғыш Президенті күні, 16 желтоқсан – Тәуелсіздік күні  мерекелері жоғарғы деңгейде аталып өтті.

    2019 жылы ауылдық округтен әскери қызметке 19 жігіт жіберіліп, жоспар 73%-ға орындалды.

    Мемлекеттік және аумақтық бағдарламалардың орындалуы. Барлық бағыттағы қаражаттар толығымен игерілді. Жергілікті бюджетке түсетін  салықтардан  3533000  теңге түсіп, салық жоспары толық орындалды. «Өңірлерді дамыту – 2020» бағдарламасы бойынша Қостоған ауылына шағын футбол алаңы орнатылып, пайдалануға берілді.

    Білім саласы. Округ аумағында М.Жылысбаев атындағы №14, Б.Жылкелдин атындағы №30 жалпы білім беретін мектептері, №38 Қызыл сай бастауыш мектебі орналасқан. Бұл мектептерде 771 оқушыға 99  мұғалім білім беруде. Округ бойынша 209 бала мектептерде ыстық тамақпен қамтылған.

    2018-2019 оқу жылында  24 мектеп бітіруші ҰБТ-ға  қатысып, 19 түлек грант иегері атанды. ҰБТ-дағы орташа балл №14 ЖББМ-де 102 балл, №30 ЖББМ 110 балды құрап отыр. Жалпы, мектептердің білім сапасы 69% (2018 жылмен салыстырғанда 4%-ға артып отыр). Мектептер толық материалдық-техникалық жабдықтармен қамтылған. Мектепке дейінгі тәрбиемен «Айбөбек» балабақшасында 40 бала, «Балапан» шағын орталығында 25 бала қамтылған. Округте балабақша кезегіне тіркелгендер жоқ.

    Мәдениет саласы.  Аумақта 4 штаттық бірлікпен ауылдық клуб, 2 штаттық бірлікпен ауылдық кітапхана жұмыс істеуде. Барлық іс-шара жоспарға сай орындалды. 2019 жылдың қорытындысы бойынша мәдениет саласында барлығы 3500 адам қатысқан 42 мәдени іс-шара өткізілді. Ауылдық кітапханаларда 18965 дана кітап қоры бар. Оқырмандар саны 1100 адамды құрайды. Сонымен қатар, ауылдық кітапханада цифрлық ақпараттық орталық 12 қызмет түрі бойынша қызмет көрсетуде.

    Спорт саласы. Ауылдық округте іс-шаралар жоспары бекітіліп, спартакиадалар, жарыстар өткізілді. Бұл жарыстарға ауыл жастары белсене қатысты. 2019 жылдың қараша айында шағын футболдан ардагерлер арасында өткен жарыста «Жаңатоған» командасы жүлделі 3-орынға ие болды. Сонымен қатар, волейболдан жастар арасындағы аудандық спартакиададан ауыл жастары 2-орынды иеленді. Облыстық «Жас барыс» турнирінен А.Шерубай 1-орынды, А.Шәріп 2-орынды иеленіп, республикалық жарысқа жолдама алды. Жеке кәсіпкер С.Мамбеталиевтің демеушілігімен Қостоған ауылына «Street Workaut» алаңшасы орнатылып, пайдалануға берілді.

    Жастар мәселелері. Округте 14-29 жас аралығында 957 жас бар. Жастармен «Сыбайлас жемқорлыққа қарсы күрес», «Діни экстремизм мен діни ағымдардың қоғамға келтіретін зардаптары» туралы  іс-шаралар ұйымдастырылып, тұрақты түрде өткізіліп тұрады. Ауылдық округтің полиция инспекторымен бірлесіп түнгі рейдтер жүргізілуде.

    Денсаулық сақтау саласы. Округ аумағында 3 емдеу, алдын алу мекемелері бар: 1 дәрігерлік амбулатория, 1 фельдшерлік-акушерлік пункт және 1 медициналық пункт халыққа медициналық қызмет көрсетіп келеді.

    Жұмыспен қамту және әлеуметтік бағдарламалар бөлімі  атаулы әлеуметтік көмек бағдарламасы бойынша, табысы кедейшілік деңгейінен төмен 145 отбасындағы 794 азаматқа 70 млн. 627,5 мың теңге атаулы әлеуметтік көмек тағайындап, тағайындалған жәрдемақы толығымен  төленді.

    Елді мекендерді абаттандыру және көгалдандыру, санитарлық тазалық жұмыстары. Ұлы Отан соғысында қаза болғандарға арналған ескерткіш аумағына 50 дана қарағай ағашы егілді. Ауылдық округ әкімдігі ғимаратының алдына абаттандыру жұмыстары жүргізілді. Мыңқазан ауылының кіре берісіне жеке кәсіпкердің демеушілігімен арка орнатылып, 40 дана қарағай ағашы отырғызылды. Көктемгі және күзгі  абаттандыру кезінде ұзындығы 8 шақырым ауыл ішіндегі және Бішкек-Тараз автожолының бойындағы барлық бағаналар, аялдамалар, тал-тарақтар әктеліп, сырланды.  Жол бойындағы тал-тарақтар бұталып, ретке келтірілді. Мыңқазан ауылының маңындағы «Қара кемпір» ескерткішінің аумағы қоқыстардан тазартылды. Санитария бойынша округ аумағында бейберекет заңсыз тасталынған күл-қоқыс орындары тазартылып, арнайы белгіленген орындарға апарып тасталынды.

    Құқық қорғау саласы. Ауылдық округ әкімдігінің аппаратында сыбайлас жемқорлыққа қарсы күрестің алдын алу жоспары бекітіліп, мемлекеттік қызметкерлер арасында жиналыстар өткізілді. Мемлекеттік қызметкерлер арасында құқық бұзушылық фактілері тіркелген жоқ.

    2019 жылдың қаңтар-желтоқсан айларында округ аумағында жалпы 3 қылмыс тіркелген (2018 ж. – 2 қылмыс). Оның ішінде, бөтен мүлікті ұрлау бойынша 3 факті тіркелген. ҚР ӘҚБтК-нің әртүрлі санаттағы баптары бойынша 100 хаттама толтырылып, ескертулер беріліп, айыппұлдар салынды. Мал ұрлығы және басқа да қылмыстар ауылдық округте тіркелмеген. Сонымен қатар, тұрғындар арасында қылмыстың алдын алу үшін профилактикалық түсіндірме жұмыстары тұрақты түрде жүргізілуде.

    Арыз-шағымдардың орындалуы бойынша 2019 жылы ауылдық округ әкімшілігіне 84 жазбаша өтініш түскен (2018 жылы – 83). Олардың барлығына оң шара қолданылып, шешім шығарылды. 132 өкім (2018 жылы 105), 53 шешім (2018 жылы 47). Округ аппаратына 775 кіріс қағаздары келіп түсіп (2018 жылы 921), 780 шығыс хат-хабарлар мемлекеттік тілде берілді (2018 жылы 763). Жеке қабылдауда 17 адам болып, барлығына қанағаттанарлық жауап берілді  (2018 жылы 22).

    2020 жылы  атқарылатын жұмыстар:

    1. Мыңқазан ауылының Ынтымақ көшесін ауыз су жүйесіне қосу және жолына шағал тас төсеу.
    2. С.Әкімбеков көшесіне ағымды жөндеу жұмыстарын жүргізу.
    3. Қостоған ауылының Т.Абдрахманов көшесінің жолына шағал тас төсеу және Д.Қонаев көшесіне ағымды жөндеу жұмыстарын жүргізу.
    4. Қостоған дәрігерлік амбулаториясының қазандығын табиғи газға қосу.
    5. «Өңірлерді дамыту» бағдарламасы бойынша №14, №30 жалпы білім беретін мектептерінің ғимараттарының алдына брусчатка төсеу жоспарлануда.

     

    Жаңатоған ауылдық округінің әкімі                           М.Рамаданов

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

    Рысқұлов ауылдық округінің әкімі

    Күлайым Шағатаеваның ЕСЕБІ

     

    Рысқұлов ауылдық округінің құрамына 2 елді мекен  кіреді. Онда 668 аула, 3843 тұрғын бар.

    Шағын және орта бизнес, экономика саласы. Округте 167 шаруа қожалығы тіркелген, олардың 14-і ірі шаруа қожалық, 1 заңды тұлға бар. 32 шаруа қожалық мал өсірумен, өзгелері аралас  шаруашылықпен айналысады. Егістік көлемі – 8980,0 га, жайылым – 5179,0 га. Бұдан басқа, округте 1 жанар-жағармай құю стансасы, 8 азық-түлік дүкені мен 1 диірмен жұмыс істеуде.

    Ауыл шаруашылық саласы. 2019 жылы егілген егіс көлемінің құрылымы келесідей: арпа – 2546 га, күздік бидай – 1563 га, жүгері – 151 га, мақсары – 500 га, бақша – 47 га, қызылша – 230 га, жаңа жоңышқа – 425 га.

    Ауыл тұрғындарының мал санының көрсеткіші: МІҚ – 2753 бас, қой – 12547 бас, жылқы – 613 бас, шошқа – 316 бас, құс – 2606 бас.

    «Достық» шаруа қожалығының басшысы М.Лекеров 2019 жылдың наурыз айында  Ресейден «Голштин» тұқымды 50 бас аналық мүйізді ірі қара мал сатып алды. 50 бас аналықтан 50 бас бұзау алынды. Әр сиырдан орташа 20 литрден сүт алып отыр.

    Қант қызылшасын еккен шаруа қожалықтары ауданымыздағы жақсы көрсеткіш көрсеткен шаруалардың қатарынан орын алды.

    Округ бойынша жалпы техника саны – 97.  Нақты қаржыға және лизингке 13 техника алынды.

    Құрылыс (тұрғын үй құрылысы), ауыз су, газдандыру, жол мәселелері. Ауылдық округте 180 азамат тұрғын үй құрылысын салу үшін кезекке тіркелген. 3 жылға жалға алынған 6 жер телімі игеріліп, тұрғын үй салынды. Құжаттары заңдастырылды. 2019 жылы 4 азаматқа 3 жыл жалға жер телімі өзіндік қосалқы шаруашылығын жүргізу үшін берілді.

    Интернациональный ауылында барлық тұрғын үй ауыз сумен қамтамасыз етілген. Т.Рысқұлов ауылының ауыз су жүйесіне су қабылдау ғимараты құрылысын жобалауға рұқсат берілді.

    Ауылдық округтегі үйлердің барлығы 100% газдандырылған.

    Округ бойынша 23 көше бар, жалпы ұзындығы 19 шқ. Оның 10-ы асфальтталған, қалған көшелерге қиыршық тас төселген. Интернациональный ауылындағы Ш.Төкешұлы көшесіне 13 000,0 мың теңгеге орташа жөндеу жұмыстары жүргізіліп, асфальт төселді.

    Мемлекеттік және аумақтық бағдарламалардың орындалуы:

    2019 жылы «Өңірлерді дамытудың 2020 жылға дейінгі бағдарламасы» аясында 3107,0 мыңға Интернациональный ауылы, Талапты көшесіне балалар ойын алаңы салынды.

    Білім саласы. Ауылдық округте 2 жалпы білім беретін мектеп орналасқан. А.Тұрғымбаев атындағы №7 ЖББМ-де 455 оқушы білім алып, 67 мұғалім, ал, №28 ЖББМ-де 233 оқушы білім алып, 35 мұғалім жұмыс істейді.

    Есеп беріліп отырған жылдың 1-маусымында Т.Рысқұлов ауылында «Мейірім Меркі» балабақшасы ашылып, 50 бала балабақшамен қамтылып, 16 адам жұмысқа орналасты. №7 А.Тұрғымбаев атындағы ЖББМ жанынан ашылған «Нұрбақыт» шағын орталығында 75 бала мектеп жасына дейінгі тәрбие алып, 14 адам жұмыс жасауда.

    Мәдениет саласы бойынша округ аумағында 3 штаттық бірлікпен ауылдық клуб, 1 штаттық бірлікпен ауылдық кітапхана қызмет етуде. Бекітілген жұмыс жоспарына сәйкес, барлығы 42 іс-шара өткізілді.

    Денсаулық сақтау саласы бойынша округте 8 штаттық бірлікпен 1 дәрігерлік амбулатория, 3 штаттық бірлікпен 1 фельдшерлік пункт округ тұрғындарына қызмет көрсетуде.

    Спорт саласы бойынша ауылдық округте іс-шара жоспары жасалынып, спартакиадалар, жарыстар өткізілді. Спорттық шараларға ауыл жастары белсене қатысты.

    Құқық қорғау саласы. Рысқұлов ауылдық округі әкімінің аппаратында сыбайлас жемқорлыққа қарсы күрестің 2019 жылға арналған іс-шаралар жоспары дайындалып, құқық бұзушылыққа жол бермеу үшін барлық мүмкіндіктерді пайдалана отырып,  іс-шараға сәйкес жұмыстар жүргізілді. Аппарат қызметкерлері арасында құқық бұзушылық бойынша фактілер орын алған жоқ. Округ аумағында 1 учаскелік тірек пункті орналасқан, онда 1 қызметкер жұмыс істейді.

    Округ бойынша, биылғы жылы жалпы, 7 қылмыс тіркеліп, ашылды. Әкімшілік құқық бұзушылық негізінде, барлығы 185 хаттама толтырылды.

    Абаттандыру және санитарлық тазалық  жұмыстары бойынша Интернациональное ауылындағы С.Сейфуллин мен Көкжиек көшелерінің қиылысындағы гүлзарға, 2340,0 мың теңгеге, 1300 түп раушан гүлі көшеттері сатып алынып отырғызылды, автоматты суғару жүйесі орнатылды. С.Сейфуллин көшесінің бойына, 180,0 мың теңгеге 50 түп ақ қайың көшеттері сатып алынып, отырғызылды. Т.Рысқұлов ауылы, Т.Көбейұлы көшесі бойына 1098,0 мың теңгеге 150 түп арша көшеттері отырғызылып, шеттері 1,5*1 мөлшерде қоршалды. Санитарлық тазалық жұмыстары бойынша 12 контейнер орнатылды. «Жасыл Меркі» ЖШС-мен 370,0 мың теңгеге келісім-шарт жасалынып, округтегі пайда болған күл-қоқыстарды тазалау жұмыстары жүргізілді.

    Арыз-шағымдардың орындалуы. 2019 жылы ауылдық округ әкімінің аппаратына барлығы 140 жазбаша  өтініш түсті, оның ішінде, жеке тұлғалардан –131, заңды тұлғалардан – 9. Әр түрлі мәселелермен 16 адам ауыл әкімінің жеке қабылдауында болып, барлық өтініштер уақтылы қанағаттандырылды.

    2019 жылға жоспарланған жұмыстар:

    1)   2020 жылы «Өңірлерді дамытудың 2020 жылға дейінгі бағдарламасы» аясында,    Т.Рысқұлов ауылына 3107,0 мың теңгеге кіші футбол алаңшасын салу.

    2)   Интернациональный ауылындағы Қ.Мұхамеджанов көшесін асфальттау және Т.Рысқұлов ауылындағы М.Әуезов, Т.Көбейұлы көшелерін ағымды жөндеуден өткізу.

     

     

     

     

     

     

     

     

     

     

     

     

     

     

     

     

     

     

     

     

     

    Тәтті ауылдық округінің әкімі Талғат Әлметовтың ЕСЕБІ

     

    Тәтті ауылдық округі – аудандағы ең шалғай жатқан округтердің бірі болып табылады. Жалпы халық саны – 2170 адамды құрайды. Округ бойынша 21 көше, 432 аула бар және 19 әртүрлі мекемелер орналасқан.

    Өнеркәсіп, кәсіпкерлік, туризм саласы бойынша «Сангар-С», «ӘулиеБұлақ» жуапкершілігі шектеулі серіктестіктері  жұмыс істеп тұр. Бұл мекемелер ауыл тұрғындарын жұмыспен қамтамасыз етуде.

    Ауыл шаруашылығы саласы. Ауылдық округ аумағында 40 жеке шаруа қожалығы тіркелген. Оның 18-і мал өсірумен, 22-сі егіс және мал азығын өндірумен шұғылданады. Егістік  алқаптардағы өнім толығымен жиналды. Егістік жерлерді игеру жұмыстары жүргізілді.

    Ауыл шаруашылығы мақсатындағы барлық жердің электронды картасын қалыптастыру жұмысы орындалды. Мал басының санын арттыру бойынша, мүйізді ірі қара 2018 жылы – 2500 бас болса, 2019 жылы – 2943 басқа жетті. Қой және ешкі  2018 жылы – 22484 бас еді, 2019 жылы – 23383 бас болды. Ал, жылқы 2018 жылғы 759 бастан 2019 жылы – 772 басқа жетті. Түйе 2018 жылы – 8 бас болса, 2019 жылы  – 11 бас болды.

    Құрылыс (тұрғын үй құрылысы), ауыз су жүйесі, газдандыру, жол мәселесі бойынша ауылішілік көшелердің жағдайын зерделеу, соның ішінде,  Қорағаты көшесіне 23 млн. 418 мың теңгеге 1 шақырым тас жол және Қарасу елді мекеніндегі Абай көшесінің 700 метріне 7 млн. 500 мың теңгеге шағал тас төселді. Қарасу елді мекені ауыз сумен 100% қамтылып, оған 8 млн. 400 мың теңге аудан қаражатынан бөлінді.

    2019 жылы Қазақстан Республикасының Тұңғыш Президенті Н.Ә. Назарбаевтың «Болашаққа бағдар: рухани жаңғыру» атты бағдарламалық мақаласын насихаттау, ілгерілету бойынша бекітілген іс-шараға сәйкес, тұрғындар мен мекемелер арасында үгіт-насихат жұмыстары жүргізілді.

    Мемлекеттік және аумақтық бағдарламалардың орындалуы бойынша: «Өңірлерді дамытудың 2020 жылға дейінгі бағдарламасы» бойынша бөлінген 3 млн. 466 мың теңгеге Тәтті ауылында кіші футбол алаңы, «Street Workout» алаңшалары салынды. Күзгі абаттандыру және санитарлық тазалық екі айлығында орындалатын іс-шаралар жоспары бекітіліп, тал-тарақтар: 20 түп ақ қайың, 2 түп шырша, 13 түп туя егілді.

    Білім саласы бойынша округ аумағында №13 М.Мәметова атындағы және №15 Жауғаш батыр атындағы жалпы білім беретін мектептері мен №31 және №26 бастауыш мектептері жұмыс істейді. Мектептер толықтай материалдық-техникалық базамен жабдықталған. Компьютер, мультимедиа сыныптары бар.

    Спорт саласы бойынша. Қазақстан Республикасының Тұңғыш Президенті, Елбасы Нұрсұлтан Назарбаев дене шынықтыру мен спортты дамыту, салауатты өмір салтын қалыптастыру мәселесіне үлкен көңіл бөліп, 2020 жылға дейін бұқаралық спортпен шұғылданушылар санын 30% пайызға көтеру тапсырмасын берген еді. Біздің  ауылымызда да бұл бағытта жұмыстар жасалуда. Тәтті ауылында 5 спорттық нысан, оның ішінде, 1 орталық стадион, 2 футбол алаңы, 1 спортзал, 1 спорттық алаң бар. Ауыл тұрғындарының спорт нысандарына қолжетімділігін қамтамасыз ету мақсатында, сабақтан тыс уақытта, кешкі сағат 19.00-ден 22.00-ге дейін спортпен шұғылданатын орындар белгіленген. Аталған спорттық нысандардың барлығы ауыл тұрғындарына дене шынықтыру және  спортпен айналысу үшін толықтай қолжетімді. Округ аумағында футболдан жасөспірімдер арасында 4 команда және ересектер арасында 6 команда,  волейболдан жасөспірімдер арасында 3 команда және ересектер арасында 4 команда жасақталған. Ұлы Отан соғысындағы Жеңістің 74 жылдығына, 7 мамыр – Отан қорғаушылар күніне арналған «Спорт, жастар есірткіге қарсы», «Діни экстремизм мен терроризмге қарсы» атты ұрандарымен баскетбол мен футболдан ауыл жастары арасында чемпионат өтті. Қазіргі таңда, Тәтті ауылдық округінде кіші футбол алаңшасы және «Street Workout» алаңшалары салынып, пайдалануға берілді.

    2019 жылы ауылымызда өткізілген барлық спорттық іс-шараға 500-ге жуық спортшы қатысты. Соның ішінде, демеушілердің қолдауымен көкпар, бокс, футбол, волейбол және т.б спорт түрлерінен 8 спорттық іс-шара өткізіліп, оған қамтылған спортшылар саны – 250 болды. Сонымен қатар, демеушілердің есебінен №13 М.Мәметова атындағы мектептің жаттығу залына спорттық жабдықтар орнатылды.

    Жастар мәселесі. Тәтті ауылдық округі бойынша 361 жас тіркелген. Соның ішінде, 10 жас ерікті есебіне, яғни, қоғамдық іс-шараларды атқарушы жастар ретінде тіркелген. Олар көбінесе, ауыл қарттарына, жалғыз басты зейнеткерлерге,  мүмкіндігі шектеулі жандарға көмек көрсетіп келеді. Тәтті ауылдық округінің жастары «Жас талант – 2019»  атты дельфилік ойындардың аудандық кезеңінде 1-ші орынды алып, облыстық «Профи – 2019» жарысында 3-ші орынды иеленді және  «Жайдарман» турниріне қатысып,  сертификат алды.

    Мәдениет саласы. Округ аумағында  екі кітапхана және үш клуб бар. Бір кітапхана округ әкімі аппаратының ғимаратында,  ал, екіншісі, Ақжол елді мекенінде орналасқан. Кітапхана қорында 10250 дана кітап бар және 2 қызметкер жұмыс атқарады.

    Денсаулық сақтау саласы. Тәтті ауылдық округінде 1 амбулаториялық  пункт бар. Оған қосымша, 2019 жылы Беларық және Қарасу елді-мекендерінде фельдшерлік пунктер ашылып, тұрғындарға пайдалануға берілді.

    Округ аумағына санитарлық тазалау жұмыстарын жүргізу үшін 600 мың теңге бөлініп, толығымен игерілді. Санитарлық тазалықты қамтамасыз ету бойынша, көктемгі және күзгі екі айлық кезінде округ аумағындағы шаруашылық ұйымдар, мекемелер түгел қамтылып, тиісті жұмыстар атқарылды.

    Арыз-шағымдардың орындалуы. 2019 жылы ауылдық округ әкімінің  аппаратына 57 жазбаша өтініш түскен, оның ішінде, 53-і жеке тұлғалардан, 4-уі заңды тұлғалардан келіп түскен өтініштер. Ауыл әкімінің жеке қабылдауында 10 адам болды. Келіп түскен арыз-шағымдар, негізінен, жер және жер қатынастары, оның ішінде, жерді заңдастыру, жерді қайта рәсімдеу, халықтың әлеуметтік тұрмыс жағдайы, материалдық көмек көрсету т.б. мәселелерді қамтыды.

    2020 жылғы атқарылатын жұмыстардың жоспары:

    1. Тәтті ауылында орналасқан Байтерек, Қабатаев көшелеріне асфальттау жұмыстарын жүргізу.
    2. Орталық стадионда орналасқан кіші футбол алаңшасын бетондап, газон төсеу.
    3. Беларық елді мекеніндегі Беларық көшесін асфальттау, бағана шамдарын қою. Елді мекенді толықтай табиғи отынмен қамтамасыз ету.
    4. Қарасу елді мекенінің тұрғындарын табиғи отынмен толықтай қамтамасыз ету.
    5. Ақжол елді мекеніне қарасты Сейфуллин көшесіне қиыршық тас төсеу.
    6. Шемен разъезінің жолын жөндеуге ЖСҚ-ын әзірлеу.

    Қазіргі таңда, еліміздің әлеуметтік-экономикалық жағдайын нығайту мақсатында көптеген жұмыстар атқарылып жатыр. Ауылымыздың әл-ауқатын арттыру, ауылдың көркейіп, дамуы мақсатында алдағы уақытта сіз бен біз болып көптеген жұмыстар атқаратынымызға сенемін. Осы жолда халықтың ынтымақ, бірлігін сақтай отырып, алға қойған мақсаттарға жетуге бар ынта-жігерімді салып еңбек етемін.

     

     

     

     

     

     

     

     

    Ойтал ауылдық округінің әкімі

     Арман Рахымбековтың есебі

     

    Округ бойынша 69 көше бар, ондағы   аула саны – 2605, халық саны  – 11455 адам.

    Өнеркәсіп, кәсіпкерлік, туризм саласы. Өнеркәсіп саласында «Меркі қант зауыты», «Меркі ірімшік зауыты», «Меркі астық» және «Мықан Орда»  серіктестіктері жұмыс істеп тұр.

    Ойтал ауылдық округі аумағындағы көшелердің аншлагтары мен көрсеткіштерін орнатуға бюджеттен 458,0 мың теңге бөлініп, жұмыстар толық орындалды.

    Ауыл шаруашылық саласы. Ауылдық округ аумағында барлығы 26 жеке шаруа қожалығы тіркелген. Олардың 8-і тек мал өсірумен, қалғандары егін шаруашылығымен айналысады.

    Округ аумағында оба,  аусыл және  т.б. мал  ауруларының алдын алу мақсатында профилактикалық жұмыстар жүргізіліп, мемлекет тарапынан бөлінген вакциналар толығымен  егілді.

    Құрылыс (тұрғын үй құрылысы), ауыз су жүйесі, газдандыру, жол мәселесі. Ойтал ауылына қарасты 8 көшеге 7250,0 мың теңге бөлініп, жалпы ұзындығы 1990 метрге  орталықтандырылған ауыз су жүйесі жүргізілді.  Меркі стансасындағы Қостоған көшесін  орташа жөндеуден өткізуге бюджеттен  4973,2 мың теңге бөлініп, 497 метр жолға асфальттау жұмыстары жүргізілді.

    Т.Қожакеев, М.Шоқай, М.Байғанаева көшелерінің түнгі жарықтандыру шамдарын электр қуатын үнемдейтін шамдарға ауыстыруға 4117,0 мың теңге бөлінді,  қосымша Желтоқсан көшесіне 12 жарықтандыру шамдары қойылды.

    Мемлекеттік және аумақтық бағдарламалардың орындалуы. 2019 жылы «Өңірлерді дамыту – 2020» бағдарламасы бойынша 9372,0 мың теңге қаражат бөлініп, Меркі стансасында Бәйтерек көшесінің жолы орташа жөндеуден откізілді.  Елді мекендерді абаттандыру, көгалдандыру бойынша 2218,0 мың теңге бөлініп,  М.Шоқай мен Керуен көшелеріне жаяу жүргіншілер жолы салынды, көгалдандыруға 370,0 теңге қаражат бөлініп, қылқан жапырақты тал-тарақтар өтырғызылды.

    Білім саласы. Округ аумағында Тұрар Рысқұлов атындағы №20, №48 жалпы білім беру мектептері, №18 балалар және жасөспірімдер спорт мектебі, №2 Балалар саз мектебі  орналасқан.

    №2 саз мектебінде 300 оқушы  дәріс алады. Саз мектебінің ұжымы оқушыларға арнайы өнер тәсілдерін үйретумен қатар, шәкірттері облыс, республика көлемінде өтетін түрлі байқауларға қатысып отырады.

    Мәдениет саласы. Округ аумағында 2 кітапхана орналасқан.

    Денсаулық сақтау саласы. Аумақта 2  дәрігерлік амбулатория жұмыс атқаруда. Округте «Мейірім-Меркі» шипажайы халыққа сапалы дәрігерлік көмек көрсетіп келеді.

    Спорт саласы. №18 балалар мен жасөспірімдер спорт мектебінде 9 спорт түрінен   739 оқушы өз   шеберліктерін жетілдіруде. Округ аумағындағы аула клубында қазақ күресі, үстел теннисі, волейбол, шахмат, қол күресі, құсбегілік, жеңіл атлетика және т.б. спорт түрлерінен  жасөспірімдер  өз дарындарын дамытуда. 2019 жылы ҚР-ның Тұңғыш Президенті күні және ҚР-ның Тәуелсіздігіне орай шахмат турнирі  мен қазақша  күрестен жарыс өткізілді.

    Жастар мәселелері.  Ойтал ауылдық округі бойынша 14-29 жас аралығындағы  2655 азамат тіркелген. Соның ішінде, 10 жас еріктілер есебінде, яғни, қоғамдық іс-шараларды атқарушы жастар ретінде тіркелген. Олар, көбінесе, ауыл қарттарына, жалғызілікті зейнеткерлерге және мүмкіндігі шектеулі  жандардың үй шаруасына көмектесуде. Округ жастарының жетістіктеріне тоқталсақ, олар аудан бойынша волейбол жарысынан 1-орын, аудандық «Дебат» пікір сайысынан 1-орын, облыстан 3-орын, 14-29 жастар аралығында аудандық «StreetWorkaut» алаңшасы жарысынан 1-орынға шықты.

    Құқық қорғау саласы. Ойтал ауылдық округі әкімі аппаратында Сыбайлас жемқорлыққа қарсы күрестің 2019 жылға арналған іс–шаралар жоспары дайындалып, құқық бұзушылыққа жол бермеу үшін барлық мүмкіндіктерді пайдаланып, іс-шараларға сәйкес жұмыстар жүргізілді. Округ аумағында 1 учаскелік тірек пункті орналасқан, онда 3 учаскелік және 2 мектеп инспекторлары  қызмет атқарады.

    Сонымен қатар, ҚР-ның «Әскери міндеттілік және әскери қызмет туралы» заңының 19-бабына сәйкес, 2019 жылы көктемгі және күзгі әскери шақырулар ұйымдастырылып, округтен 41 азамат ҚР Қарулы күштері қатарына әскери борышын өтеуге жіберілді.

    Арыз-шағымдардың орындалуы: 2019 жылы ауылдық округ әкімінің аппаратына барлығы 124 жазбаша өтініш түскен, оның ішінде, жеке тұлғалардан 123, заңды тұлғалардан 1 арыз-шағым. Ауыл әкімі  әр түрлі мәселемен 48 адамды қабылдады. Келіп түскен арыз-шағымдарды талдайтын болсақ,  ауыл тұрғындарын толғандырып отырған тұрғын үй, жер, жер қатынастары мәселелері, оның ішінде жерді заңдастыру, жерді жеке меншікке сатып алу, жерді қайта рәсімдеу, халықтың әлеуметтік-тұрмыстық жағдайы және т.б. мәселелер.

    Санитарлық тазалық. Округ аумағына санитарлық тазалау жұмыстарын жүргізу үшін 1 млн. 280 мың теңге бөлініп, қаражат толығымен игерілді.

    2020  жылғы жоспар бойынша атқарылатын жұмыстар:

    «Өңірлерді дамыту» бағдарламасы бойынша бөлінген 9372,0 мың теңгеге Ойтал ауылы, Ворошилов  көшесін орташа жөндеу;

    Ойтал ауылындағы Парковая көшесіндегі ескірген ауыз су жүйесін ағымдағы жөндеуден өткізу;

    Меркі бекетіндегі М.Шоқай көшесінің 540 метр жолын орташа жөндеу, көше бойына кіші ойын балалары алаңшасын салу;

    Желтоқсан көшесі бойының 350 метріне жаяу жүргіншілер жолын салу, демалатын орындықтар мен күл-қоқыс тастайтын жәшіктер, жол бойына қылқан жапырақты тал-тарақтар отырғызу;

    Орталық саналатын Желтоқсан, Лермонтов және  Алатау көшесіне №20 ЖББМ-не дейін  қосымша жарықтандыру жұмыстарын жүргізу  жоспарлануда. ЖСҚ-ы әзірленіп, техникалық шарты дайын;

    Ойтал ауылындағы Мамыр көшесіне табиғи газ жүйесін тарту;

    № 48 ЖББМ-і ғимаратын  күрделі жөндеуден өткізу.

    Осы жолда бәріміз елдің ынтымақ, бірлігін сақтай отырып, алдағы мақсаттарға жету үшін еңбек ететін боламыз.

     

            Ойтал ауылдық

            округінің әкімі                                                 А.Рахымбеков

     

     

     

     

     

     

     

     

     

     

     

     

     

     

     

     

     

     

     

    Андас батыр ауылдық округінің әкімі

      Бейбітбек Мәжиевтің есебі

     

    Андас батыр ауылдық округі бойынша халық саны 8714 адамды құрайды. Округ бойынша 52 көше бар, ондағы  аулалардың  саны –   1729. Округте  22 әр түрлі мекеме орналасқан.

    Өнеркәсіп, кәсіпкерлік, туризм саласы бойынша: Өнеркәсіп саласында «Меркі балық зауыты», «Ауылдық наубайхана» серіктестіктері жұмыс істеп тұр.

    Округ аумағындағы В.Мельниченко, Гоголь және Қарпық батыр, Ю.Гагарин атындағы көшелердің атаулары және реттік нөмірлері көрсетілген аншлагтарын жасау жұмыстарына  252,4 мың теңге бөлініп, көшелердің аншлагтары орнатылды.

    Ауыл шаруашылық саласы. Ауылдық округ аумағында барлығы 122 жеке шаруа қожалығы тіркелген. Олар, негізінен, егін өсіру және мал азығын дайындаумен шұғылданады.  2019 жылы шаруа қожалықтары 2188 га. жерге бидай, 2085 га. жерге арпа, 550 га. жерге қант қызылшасын, қалған егістік жерлерге жоңышқа, көкөніс, бау-бақша егіп, мол өнім жинады. Округ аумағында оба, аусыл және т.б. мал ауруларының алдын алу мақсатында профилактикалық жұмыстар жүргізіліп, мемлекет тарапынан бөлінген вакциналар толығымен  егілді.

    Құрылыс (тұрғын үй құрылысы), ауыз су жүйесі, газдандыру, жол мәселесі. Ауылдық округті ағын сумен қамтамасыз ету мақсатында  1258,0 теңге жұмсалып, тиісті жұмыстар жүргізілді.

    Мемлекеттік және аумақтық бағдарламалардың орындалуы. 2019 жылы «Өңірлерді дамыту – 2020» бағдарламасы бойынша «Street Workaut» алаңшасын салу жұмыстары орындалды. Андас батыр ауылындағы Аспара көшесінің жолына орташа жөндеу жүргізу үшін 2139,6 мың теңге, Даму көшесінің жолына орташа жөндеу жүргізуге 1448,5 мың теңге,  Абай көшесінің 300 метр жолына ағымдағы жөндеу жүргізуге  700,5 мың теңге, ал, Қызыл-қыстақ ауылындағы стадионның қоршауына ағымдағы жөндеу жұмыстары  үшін 2360,0 мың теңге бөлініп, ол жұмыстар атқарылды.

    Білім саласы. Округ аумағында №21, №8, №3 жалпы білім беру мектептері, Арал қыстақ ауылында №25 бастауыш мектебі, Андас батыр ауылында «Балбөбек» бөбекжай бақшасы, Гранитогорск кентінде «Тау самалы», Қызыл-қыстақ ауылында «Айым» шағын орталықтары орналасқан.

    №21 мектепте  130 мұғалім  990 оқушыға дәріс береді,  №8 мектепте 68 мұғалім қызмет атқарады, онда 221 оқушы бар, ал, №3 мектепте  83 мұғалім қызмет атқарады, 353 оқушы екі ауысым бойынша білім алады.

    №25 бастауыш мектебінде  20 мұғалім жұмыс істейді, 129 оқушы білім алады.

    2019 жылы «Мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қою» мемлекеттік көрсетілетін қызмет стандарты бойынша 207 өтініш түскен. Олардың көпшілігі қанағаттанып,   бүгінгі күні кезекте  12 бала тұр.

    Мәдениет саласы. Округ аумағында үш кітапхана, 1 клуб бар.

     Денсаулық сақтау саласы. Округ аумағында 1 дәрігерлік емхана мен 4 фельдшерлік пункт жұмыс істейді. Есепті жылы Арал қыстақ ауылында  заман талаптарына сай ауылдық дәрігерлік пункт ғимараты бой көтеріп, 1-желтоқсан – Тұңғыш Президент күні мерекесіне орай салтанатты ашылу рәсімі өткізілді.

    Спорт саласы бойынша. ҚР Тұңғыш Президенті күніне арналған жарыста дзю-до күресінен 2005-2007 жылдары туған  жасөспірім қыздар мен 2007-2008 жылдары туған ұлдар арасында Андас және Сыпатай батыр атындағы Меркі ауданының  ашық біріншілігі өткізілді. ҚР Тәуелсіздігінің 28 жылдығына және салауатты өмір салтын насихаттау, жастарды патриотизмге тәрбиелеуге арналған, 2005-2010 жылы туылған жасөспірімдер арасында Меркі ауданының біріншілігінде бокстан жарыс өткізіліп, жеңімпаздар марапатталды.

    Жастар мәселелері.   Округ бойынша 1486 жас азамат тіркелген.   Жас кәсіпкер саны – 4.  10 жас азамат еріктілер есебінде қоғамдық іс-шараларды атқарушы жастар ретінде тіркелген.  14-29 жасқа дейінгі мүмкіндігі шектеулі жастар саны – 10 адам. Кәмелеттік жасқа толмағандар инспекторымен бірлесе атқарған іс-шаралар: түңгі рейд және түрлі форматта жиналыстар мен кездесулер өткізіледі.

    Жалпы жоспар бойынша 41 жас  тұрақты жұмысқа орналастырылды. Жастар арасында шағын несие алатын және кәсіпкерлік негізінде оқудан өтетін жоспар 100 пайызға орындалды.  505 мың теңге болатын қайтарымсыз грант бойынша ауылдық округтен 20  жас оқып, өздерінің  кәсіптерімен айналасуда.

    Еріктілердің бастауымен өткен қайырымдылық акциясы аясында мүмкіндігі шектеулі жандар және көп балалы аналар  азық-түлікпен қамтамасыз етілді.

    Құқық қорғау саласы. Округ әкімі аппаратында Сыбайлас жемқорлыққа қарсы күрестің 2019 жылға арналған іс-шаралар жоспары дайындалып, құқық бұзушылыққа жол бермеу үшін барлық мүмкіндіктерді пайдаланып, іс-шараға сәйкес жұмыстар жүргізілді. Округ аумағында 1 учаскелік тірек пункті орналасқан, онда 3 қызметкер жұмыс атқарады.Сонымен қатар, Қазақстан Республикасының «Әскери міндеттілік және әскери қызмет туралы» Заңына сәйкес, 2019 жылғы көктемгі және күзгі әскери шақырулар ұйымдастырылып, округтен 15 азамат еліміздің Қарулы күштері қатарына әскери борышын өтеуге жіберілді.

    Санитарлық тазалық бойынша:  Санитарлық тазалықты қамтамасыз ету бойынша көктемгі және күзгі екі айлық кезінде тиісті жұмыстар атқарылды. Арал қыстақ ауылындағы №25 бастауыш мектеп алдына және Әбен Шотайұлы көшесінң бойына жүзге жуық қылқан жапырақты ағаштар отырғызылды.

    Арыз-шағымдардың орындалуы: 2019 жылы ауылдық округ әкімінің аппаратына барлығы 171 жазбаша өтініш түскен, оның ішінде, жеке тұлғалардан 165, заңды тұлғалардан 6 өтініш. Ауыл әкімі әр түрлі мәселемен 45 адамды қабылдады. Келіп түскен арыз-шағымдарды талдайтын болсақ, ауыл тұрғындарын негізінен толғандырып отырған жер және жер қатынастары мәселелері, оның ішінде, жерді заңдастыру, жерді жеке меншікке сатып алу, жерді қайта рәсімдеу, халықтың әлеуметтік-тұрмыстық жағдайы, материалдық көмек көрсету және т.б. мәселелер.

    2020 жылы атқарылатын жұмыстар (жоспар).

    «Өңірлерді дамыту» бағдарламасы бойынша бөлінген 7,6 млн. теңгеге төмендегі жұмыстар жоспарлануда:

    Әбен Шотайұлы көшесінің бас жағы, Қырғызстан Республикасынан кіре беріс жердегі екі жақты қоршауды ретке келтіру;

    Гранитогорск кентіндегі Наурыз көшесіне түнгі жарықтандыру жұмыстарын жүргізу;

    Арал қыстақ ауылына және Гранитогорск кентіне баратын жол бойындағы аялдаманы кірпішпен қалап, қалпына келтіру;

    Әбен Шотайұлы көшесінің бойындағы Аспара қалашығына арналған ескерткішке абаттандыру жұмыстарын жүрізу.

    Алдағы уақытта ауыл тұрғындарының игілігі үшін аталған мәселелер бойынша жұмыстарды жүргізетін боламыз.

     

    Андас батыр ауылдық округінің әкімі                            Б.Мәжиев

     

     

     

     

     

     

     

     

     

     

     

     

     

     

     

     

     

     

     

     

     

     

     

    Ақарал ауылдық округінің әкімі

    Оразбай  Жантайбековтің  ЕСЕБІ

    Ақарал ауылдық округiнде 2 елдi мекен – Ақарал мен Сыпатай ауылдары орналасқан. Ақарал ауылында 454 үйде 2427 адам, Сыпатай ауылында 244 үйде 1285 тұрғын тұрады. Округ бойынша халық саны 2019 жылдың 1-қаңтарында  3712 адамды құрады. Бұл елдi мекендерде   2 жалпы білім беретін мектеп,  дәрiгерлiк амбулатория, Сыпатай ауылында  жаңадан салынған ФАП,  мәдениет үйi, 1 балабақша, 1 шағын орталық, 2 кiтапхана, 1 шағын маркет, 3 дүкен, 1 дәріхана, 1 дүңгіршек, 1 жанар-жағармай құю стансасы, 1 көлік жөндеу орталығы, 1 ӨК, 124 шаруа қожалығы және сүт бағытындағы «Талдыбұлақ» кооперативі жұмыс iстейдi.

    Егістік саласы бойынша:

    Ақарал ауылдық округінде егістік жердің көлемі 2777 гектарды құрайды. Ауыл тұрғындары негізінен егін шаруашылығымен және мал шаруашылығымен айналысады.   2019 жылы 801 га. жерге бидай, 565 га. жерге арпа дақылдары егіліп, орта есеппен бидайдан 18 центнер, арпадан 24 центнер өнім алынды. Бұдан бөлек, «Сейфулла» ш/қ 15 га. жерге қызылша егіп, орта есеппен  250 центнерден өнім алды.  Ш/қ басшыларымен өткізілген семинарлар мен түсіндірме жұмыстардың нәтижесінде, былтырғы жылы 29 тонна минералдық тыңайтқыштар алынса, биыл 34 тоннадан астам минералдық тыңайтқыштар алынды.

    Мал шаруашылығы саласы бойынша:

    Округтегі мал санына келетін болсақ, 2019 жылдың 1-қаңтарына МІҚ – 1727 басқа жетті, 2018 жылы – 1553 бас еді. Сол сияқты, жылқы 2019 жылы – 709 басты (2018 жылы – 548 бас), қой-ешкі 2019 жылы – 7780 басты (2018 жылы – 7891 бас) құрады. Округтегі мал басының өсіп-өнуіне кейбір ауыл тұрғындары мен ш/қ басшылары өз үлестерін қосуда. Мал шаруашылығын дамыту мақсатында, ауыл тұрғындары «Меркі несие серіктестігі» және «Жұмыспен қамту 2020» бағдарламасы арқылы арғы жылы 54,7 млн. теңге, өткен жылы 64,2 млн. теңге жеңілдетілген несие алып, округтегі мал басының көбеюіне өз үлестерін  қосуда.  Бұдан бөлек, 14 азамат жұмыспен қамту орталығында оқып, 7070000 теңге қайтарымсыз грант алды.

    Ветеринария саласы бойынша:

    Округке 5 ветеринар-техник малдарға уақтылы профилактикалық шаралар: гепатит, сарып ауруларына тексеру және егу жұмыстарын жүргiзуде.

    2019 жылы 8 бас ұсақ мал және 3 бас ірі қара мал сарып ауруына оң нәтиже беріп, олар толықтай жойылды.

    Әлеуметтік салалар

    Білім саласы бойынша:

    Округ аумағындағы №5 және №16 жалпы білім беретін мектептердің ұжымы жас ұрпаққа сапалы білім берумен айналысады. Осы мектептерде барлығы 110 мұғалім жұмыс істесе, оның жоғары білімдісі – 101,  орта білімдісі – 9. 801 оқушы білім алуда. Аталған мектептердің оқушылары облыстық, республикалық және аудандық әртүрлі байқауларда жоғарғы орындарды иеленіп келеді.

    «Мектепке жол» республикалық акциясы аясында, ауылдағы демеушілер тарапынан 47 оқушыға 498000 теңгеге оқу құралдары мен мектеп формалары алынса, Ақарал ауылындағы 31 отбасыға қаржылай және материалдық көмек көсетілді. Аппарат қызметкерлері тарпынан 2 жанұяға 40 мың теңге қаржылай көмек берілді.

    Спорт саласы бойынша:

    Округте 2 футбол, 2 баскетбол командасы, бокс, еркін күрес үйірмелері жұмыс істейді. Бүгінгі таңда, 50 бала  еркін күреспен, 42 бала бокспен айналысады.  Есепті кезең ішінде Сыпатай ауылындағы №16 ЖББМ-нен бокс үйірмесі ашылып, қазіргі уақытта 38 оқушы жаттығуда, жаттықтырушысы Кашкеев Жандос.

    Мәдениет саласы бойынша:

    Округте Ақарал ауылдық мәдениет үйі мен ауылдық кітапхана жұмыс істейді. Бұдан бөлек, домбыра және баян үйірмелері жұмыс істеп, халыққа қызмет етеді.

    Денсаулық сақтау саласына да тоқтап өтсем. Ақарал ауылындағы дәрiгерлiк амбулатория және  Сыпатай ауылында казіргі заманға лайық жаңа үлгіде салынған ФАП ауылдықтарға қызмет атқаруда.  Дәрігерлік амбулатория жедел-жәрдем автокөлiгiмен жабдықталған. 2018 жылы округімізде 52 сәби дүниеге келсе, 2019 жылы 73 сәби дүние есігін ашып, аналар мен сәбилер арасында қайғылы жағдай орын алған жоқ. Ауыл тұрғындарына 1 дәрігер, 4 аймақтық медбике,1 акушер, 1 әлеуметтік медбике, 1 психолог қызмет етеді.  2018 жылы 3 адам сарып аурумен ауырса, 2019 жылы бұл ауруға 1 адам шалынды.

    Ақарал ауылында орналасқан байланыс бөлiмшесi екі ауылда тұратын 424 зейнеткер мен 123   әртүрлі топтағы мүгедектерге және ауыл тұрғындарына қызмет етеді.

            Құрылыс саласы бойынша:

    «Өңірлерді дамыту» бағдарламасы аясында бөлінген 3228 мың теңге қаражатқа Сыпатай ауылындағы Тәуелсіздік көшесінің бойынан 450 метр жерге жаяу жүргіншілерге арналған тротуар, бұдан бөлек, жергілікті бюджеттен 539000 теңгеге мәдениет үйінің аумағында балаларға арналған ойын алаңы салынды. Жалпы соммасы 16 млн. теңгеге А.Нұралиев көшесінің 1300 м. жеріне орташа жөндеу жұмыстары жүргізілді. Т.Қоңырбаев көшесінің шығыс жағында жаңадан салынған үйлерге жалпы соммасы 1050000 теңгеге электр желілері тартылды. Көктемгi және күзгі 2 айлық көгерiштендiру және тазалық айларында округ аумағында жанды жұмыстар жүргізілді.

    Көктем айларында Ақарал ауылы мен Сыпатай ауылының төңірегіндегі Сұрат ауылдық округімен шекара тұсына және Сыпатай ауылының шығыс жағы мен солтүстік жағына кездейсоқ тасталған күл-қоқыстар «Жасыл Меркі» ЖШС-нің техникаларымен тазартылды. Сыпатай баба кесенесінің жан-жағына абаттандыру жұмыстары жүргізіліп, Тараз-Бішкек тас жолының бойындағы мешіттің тұсындағы темірмен қоршалған жерге 300 түп раушан гүлі мен 30 түп шырша отырғызылды.  Округ тұрғындары аудан орталығында тазалықпен айналысатын «Жасыл Меркі» ЖШС-мен   келісім-шартқа отырып, айына 2 рет тұрмыстық қатты қалдықтарды алып кетуге қол жеткізілді.

    Құқық бұзушылық бойынша, 2018 жылы 13 қылмыс тіркеліп, оның біреуі мал ұрлығы, қалғаны әр түрлі қылмыстар болса, 2019 жылы округ бойынша  бірде-бір қылмыс  тіркелмеген.

    2020 жылы атқарылатын жұмыстардың жоспары:

    1. «Өңірлерді дамыту» бағдарламасы аясында бөлінген 3228 мың теңгеге Асубай көшесінен А.Нұралиев көшесіне дейінгі кірме жолды жөндеу.
    2. Ақарал ауылындағы Қыздарбеков көшесі мен Асубай бұрылысын орташа жөндеу.
    3. Сыпатай ауылына қарасты Тәуелсіздік көшесіне ұзындығы 850 м. жерге орташа жөндеу жүргізу.
    4. Асубай көшесінің бойындағы бітпей қалған ұзындығы 1250 м. жерге жаяу жүргіншілер жолын салу үшін аудан бюджетінен қаражат бөлу туралы аудан әкіміне ұсыныс беру.
    5. Сыпатай ауылындағы Сыпатай бабамыздың кесенесінің жанындағы жолдың бойындағы шыршалар мен раушан гүлдерін суғару үшін жолдың бойынан құдық ұрғызу жоспарлануда.

     

     

            Ақарал ауылдық округінің әкімі                   Жантайбеков

     

     

     

     

     

     

     

     

     

     

     

     

     

     

     

     

     

    Сұрат ауылдық округінің әкімі

     Ғазиз Байарыстанның ЕСЕБІ

    Сұрат ауылдық округі  үш елді мекеннен тұрады: Сұрат ауылында  298 түтін, 1834 адам, Аққайнар ауылында 72 түтін, 416 адам, Тескентоған ауылында 92 түтін, 580 адам. Ауылдық округ бойынша, барлығы 462 түтін, 2834 адам. Зейнеткерлер саны – 290,  мүгедектер саны – 39, аз қамтылған отбасылар саны – 23. Тыл еңбеккерлері  – 21.  Уәкілетті органда тіркелген жұмыссыздар саны – 17.

    Округ бойынша 3 денсаулық сақтау мекемесі, 2 ЖББМ, 1 балабақша, 2 мәдениет орны, 2 кітапхана, 1 мешіт, 5 сауда нүктесі, 1 дәріхана, 1 шағын наубайхана жұмыс істеуде.

    Өткен жылғы жалпы жиналыста көтерілген мәселелер бойынша,  Сұрат ауылы Ә.Молдағұлова  көшесінің жолына 13 500 000 теңгеге асфальт төселінді. Сұрат ауылындағы  Ш.Қалдыбай көшесінің батыс бөлігіне түнгі жарықтандыру жұмыстары жүргізілді. Малдәрігерлік қызметті жүзеге асыру мақсатында Сұрат ауылына мал емдеу алаңы орнатылды. Жекеменшік серіктестік негізінде Аққайнар және Тескентоған елді мекендерінде жаңадан ФАП салынды.

    Сонымен қатар, «Өңірлерді дамытудың – 2020 жылға дейінгі бағдарламасы» бойынша, республикалық бюджет есебінен  бөлінген 2 455 000 теңгеге Сұрат ауылы М.Мәметова көшесінің бойына жаяу жүргіншілер соқпағы, жергілікті бюджет есебінен 300,0 мың  теңгеге Сұрат ауылдық мәдениет үйінің жанынан «Street Workout» әмбебап спорт алаңы салынды.

    Сұрат ауылдық округінің негізгі экономикалық бағыты – ауылшаруашылығы болғандықтан,  ауылшаруашылық саласында  1 серіктестік,   73 шаруа қожалығы, негізінен, басым көпшілігі егін егумен және мал өсірумен айналысады. Округте ауылшаруашылығы саласы бойынша айдалмалы жер көлемі – 5940,42 гектар, оның ішінде, суғармалы жері – 2400 гектар.

    2019 жылы ауылдық округ бойынша себілген күздік бидайдан 15,5 ц,  арпадан 16,9 ц,  қант қызылшасынан  810,0 ц өнім алынса, көкөніс, бақша дақылдарын,  жоңышқа, жүгері өндіруден де жоғарғы көрсекіштерге қол жеткіздік.

    Мал шаруашылығына келетін болсақ, 2020 жылдың 1-қаңтарына ірі қара малы – 1992 бас болып, 191  басқа,   қой-ешкі – 16322 бас 709 басқа,   жылқы – 570  бас 73 басқа көбейіп отыр. Үй құстары – 1843 бас. Жалпы, мал басының есебі алынып, сырғаланып, тиісті компьютерлік бағдарламаға енгізіліп, толық бірдейлендірілген, тиісті малдәрігерлік жұмыстар өз дәрежесінде жүргізілуде. Сүт бойынша, «Талдыбұлақ – 2017» кооперативіне мүше болып 53 адам тіркеліп, жұмыс істеуде. Ал, қозы етін экспорттау бойынша,  11200 т. ет өндірілді, жоспар 117 % -ға артығымен орындалды.

    «Жұмыспен қамту 2020 жол картасы» бойынша, «Бастау» бағдарламасына сәйкес, кәсіпкерлікті дамыту бойынша  8 адам оқып, мал шаруашылығын дамытуға 7  адам 12,0 млн. теңге несие алып, кәсіптерін жүргізуде.

    Облыс әкімінің қарапайым заттар экономикасы бағдарламасы бойынша тұрғындардың әл-ауқатын жақсарту мақсатында Сұрат ауылдық округі тұрғындарының қатысуымен 182 азаматқа ауыл шаруашылығы малдарын алып көбейтуге, 4 азаматқа көкөніс өсіру үшін жылыжай соғуға 2,5 пайызбен несие беріле басталды. «Даму Сұрат»  кооперативі құрылып,   тұрғындардың үй іргесіндегі жерлерін тиімді пайдалануды қолға алып, өндірілген көкөністерді базар нарығына шығару, сату, Сұрат ауылында шағын өңдеу цехы арқылы қызанақ пастасын, шырынын, консервіленген қызанақ шығару қолға алынып жатыр.

    Білім беру саласы бойынша ауылдық округте №19 Сыпатай Әлібекұлы атындағы және  №23 Тескентоған мектептері жұмыс істейді. Оларда барлығы 456 оқушы және мектепалды даярлық сыныбында 52 бала оқиды.  Компьютермен толық жабдықталған. 2 мектептің де жылу жүйелері газбен жылытуға қосылған.

    Мәдениет саласы бойынша Сұрат ауылында мәдениет үйі, кітапхана, Аққайнар ауылында клуб, кітапхана жұмыс істейді.  Мәдени көпшілік іс-шаралар мерекелік мәніне және күндеріне сәйкес ұйымдастырылып, ауыл тұрғындарының демалуына орайластырылып өткізілуде.

    Денсаулық  сақтау саласы бойынша ауылдық округте «Сұрат» дәрігерлік амбулаториясы мен 2 фельдшерлік пункт халыққа қызмет көрсетеді, оларда 1 дәрігер, 9 медициналық, 5 техникалық қызметкер жұмыс істейді

    Спорт саласы бойынша ауылдық округтегі елді  мекендерде 4 футбол алаңы, 1 кіші футбол алаңы, 1 бокс үйірмесі жұмыс істеуде. Одан бөлек, 2 мектептегі спорт залдар заманауи құрал-жабдықтармен қамтамасыз етілген. Аудан әкімдігі спорт бөлімінің келісімімен қысқы мезгілдерде ауыл жастарының баскетбол, волейбол, футзал  ойнауына жағдай жасалған,  әр мерекелік іс-шараларға сәйкес, жарыстар ұйымдастырылып өткізілуде.

    Көрсетілген әлеуметтік көмектер туралы. 2019 жылы  округ бойынша жиынтық табысы аз қамтылған  70 отбасының 273 баласына  38 220 365 (отыз сегіз миллион екі жүз жиырма мың үш жүз алпыс бес) теңге атаулы әлеуметтік көмек тағайындалып, жәрдемақылар толығымен төленді.

    Әскери тіркеу орнының жұмысы туралы. Сұрат ауылдық округі бойынша 13 офицер, 262 солдат, сержанттар тіркелген. 2019 жылғы көктемгі және күзгі мерзімді әскерге шақыру бойынша жоспар 100%-ға орындалды. Жасөспірімдерді аудандық қорғаныс істері бөліміне тіркеу жұмыстары да өз дәрежесінде орындалуда.

    Құқық қорғау саласы бойынша тәртіпті қамтамасыз ету, қылмыстың алдын алу мақсатында учаскелік инспектор жұмыс істеуде. 2019 жылдың ішінде 4 қылмыстық іс тіркеліп, оның 3-уі уақтысында ашылды.  Сұрат ауылдық округі бойынша әкімшілік құқық бұзғаны үшін 12 азамат тәртіптік жауапкершілікке тартылып, айыппұлдар салынды. Жыл бойы қоғамдық тәртіпті сақтау мақсатында әкімшілік қызметкерлері және «Жастар ісі» маманымен бірлесіп, түнгі уақыттарда рейдтер жүргізілуде.

    Аудан әкімдігінің  көктемгі  2019 жылдың 25-ақпанындағы №62   және күзгі  2019 жылдың 20-тамыздағы №291 қаулыларына сәйкес,   көктемгі-күзгі тазалық айлығы барысында 570 түп тал-терек отырғызылды. Сұрат ауылындағы М.Мәметова көшесінің бойына 70 түп шырша, Ш.Қалдыбай көшесінің бойына 13 түп шырша, Аққайнар және Тескентоған ФАП аумағына 30 түп шырша көшеті, гүлзарларға 150 дана, ҰОС ескерткішінің аумағына   150 дана гүл отырғызылды. Бұрыннан бар жол бойындағы тал-теректер бұталып, түптері әктелінді, ауылдарда, оның ішінде, ұжым, мекеме және жеке үйлердің аулалары, 2000 м2  саябақ, 15,0 км арықтар, 15 км  көшелердің бойы  тазартылып,  күл-қоқыстар, тұрмыстық қатты қалдықтары арнайы орынға апарылып тасталды,  3 кездейсоқ күл-қоқыс орындары жойылды.

    «Жасыл белдеу» бағдарламасы бойынша Тескентоған ауылына  400 түп алма ағашы отырғызылды.

    2019 жылы барлығы 50 арыз-шағым, барлығы  жеке тұлғалардан түсті. Оның 49-ы қанағаттандырылып, 1-не түсінік берілді. Жыл ішінде 117 өкім, 45 шешім шығарылды.

    Сұрат ауылдық округі бойынша, 2020 жылы төмендегі жұмыстарды қолға алу жоспарланып отыр:

    1. «Өңірлерді дамытудың – 2020 жылға дейінгі бағдарламасы» бойынша саябаққа абаттандыру жұмыстарын жүргізу.
    2. Тескентоған ауылындағы Б.Момышұлы көшесін асфальттау.
    3. Тескентоған ауылының батыс жақ бөлігіне қосымша трансформатор орнату және Сыпатай көшесіне түнгі жарықтандыру жүргізу.
    4. Халықтың тұрмыстық жағдайын жақсартуға көзделген 5 бағыт бойынша, оның ішінде, үй іргесіндегі жерлерді тиімді пайдалану, ауладағы мал басын көбейту және олардан өндірілетін өнімдердің көлемін арттыру.
    5. Тұрғындардың үй іргесіндегі жерлерін тиімді пайдалануын қамтамасыз етуде «Даму Сұрат» кооперативінің жұмысын жандандыру.
    6. Шағын және орта бизнесті дамыту, кәсіпкерлік нысандарын ашу арқылы тұрғындарды жұмыспен қамту, халықтың әл-ауқатын арттыру.

     

     

                     Сұрат ауылдық округінің әкімі                         Ғ.Байарыстан

    © 2015 Информационный портал аппарата акима Меркенского района